Perızat Qaırattyń soty qashan bastalady

ASTANA. KAZINFORM – Qarjylyq monıtorıng agenttigi tóraǵasynyń orynbasary Jeńis Elemesov Májilistiń jalpy otyrysynan keıin qaıyrymdylyq qory arqyly aqsha jymqyrdy degen kúdikpen qamalǵan Perızat Qaırattyń soty qashan bastalatynyn aıtty.

- Kúdiktilerdi is materıaldarymen tanystyrý 9 maýsymda bitkennen keıin zań boıynsha úsh kún beriledi. 10 kúnniń ishinde prokýratýra isti sotqa jibergennen keıin sot qabyldap, qaı kúni bastalatynyn aıtady, - dedi agenttik ókili.

Sondaı-aq, ol tergeý kezinde osy iske qandaı da bir qatysy bar degen negizben 100-ge jýyq adamnan jaýap alynǵanyn atap ótti. Alaıda kúdiktiler sany ózgerissiz qalyp otyr – Perızat Qaırattyń ózi men anasy.

- Sonda 9 maýsymnan keıin 10 kúnniń aınalasynda sot protsesi bastalady ǵoı, - dep naqtyladyq BAQ ókilderi.

- Dál aıtyp tursyz, - dedi Jeńis Elemesov.

Eske salsaq, 3 sáýirde Perızat Qaıratqa qatysty qylmystyq isti tergeýdiń aıaqtalǵany belgili bolǵan edi.