Perızat Qaırat ózine taǵylǵan aıyptarmen kelispeı otyr
ASTANA. KAZINFORM – Eriktiler qozǵalysynyń belsendisi jáne qoǵamdyq qaıyrymdylyq qorynyń quryltaıshysy Perızat Qaırat ózine taǵylǵan aıyptaýlarmen kelispeı otyr.
- Olar maǵan sotqa deıin ne aıtpady deseńizshi. Dáleldenbegen dúnıeni jarııalap, burmalap jiberdi. Meni qaralap, jala japty. Tipti, tintý kezinde tabylǵan zattar da dáleldengen joq, - dedi Perızat Qaırat sot otyrysy bastalmaı turyp.
Belgili bolǵandaı Perızat Qaırattyń soty ishinara jabyq ótetin boldy.
Buǵan deıin elordada Perızat Qaırattyń isine qatysty aldyn ala sot otyrysy ótkenin habarlaǵan edik.
Aıta ketsek, bıyl 30 maýsymda Perızat Qaırattyń isi sotqa jiberildi.
Eske salaıyq, eriktiler qozǵalysynyń belsendisi jáne qoǵamdyq qaıyrymdylyq qorynyń quryltaıshysy Perızat Qaıratqa qatysty tergeý júrgizilip jatqany 2024 jyly14 qarashada belgili boldy.
Sondaı-aq Joǵarǵy sot Perızat Qaırattyń sotyn tikeleı efırden kórsetý máselesin qarastyrýǵa daıyn ekenin habarlady.