PІB óziniń kásibı HR qaýymdastyǵyn qalaı damytady
ASTANA. KAZINFORM – Naryqtaǵy básekelestik jyldan jylǵa artyp kele jatqan álemde HR mamandar kez kelgen kompanııanyń sátti jumys isteýine septigin tıgizedi. Bul mamandyq ıeleri tek daryndy qyzmetkerlerdi qabyldaý, oqytý jáne kompanııada ustap qalýǵa ǵana jaýapty emes, sonymen qatar uıymnyń gúldenýine negiz bolatyn korporatıvtik mádenıetti de qalyptastyratynyn atap ótken jón.
QR Prezıdenti Іs basqarmasy júıesinde bul mańyzdy mindet Medıtsınalyq tehnologııalar jáne aqparattyq júıeler ortalyǵyna (MTAJO) júktelgen. Ortalyq PІB 2 vedomstvolyq jáne 24 vedomstvolyq baǵynyshty uıymdy biryńǵaı HR qaýymdastyqqa biriktirgen. Bul týraly MTAJO prezıdenti Gúlnur Bókenova aıtyp berdi.
«Bizdiń is-sharalar jaı ǵana kezdesýler emes. Olardyń qatarynda úzdik sarapshylardyń qatysýymen ótetin vorkshoptar, oqytý trenıngteri, aýqymdy konferentsııalar men qarapaıym korporatıvtik ıventterdiń shekarasynan áldeqaıda asyp ketetin ózge de is-sharalar bar. Biz jaı ǵana oqyp qoımaımyz, biz eń qıyn kadrlyq mindetterdi sheshe alatyn, bir-birine shabyt syılaýǵa jáne tájirıbesimen bólisýge daıyn HR mamandardyń myqty qaýymdastyǵyn quramyz», - dedi ol.
HR konferentsııalar
MTAJO prezıdenti atap ótkendeı, 2023 jyldyń sońynda Astanada «HR jáne tsıfrlyq tehnologııalardyń garmonııasy: úzdik komandalarǵa arnalǵan ınnovatsııalar» taqyrybynda konferentsııa ótken. Іs-shara óz salasynyń myqty sarapshylary men kóshbasshylaryn jınap, olar tsıfrlyq tehnologııalar dáýirindegi personaldy basqarýdyń jańa tásilderi týraly áńgimeledi.
Aýdıtorııa aldynda memlekettik qurylymdardaǵy, elimizdiń belgili medıtsınalyq habtaryndaǵy, iri qazaqstandyq kompanııalardaǵy HR jáne IT bólimshelerdiń jetekshileri men bedeldi bıznes trenerler sóz sóıledi.
Konferentsııa spıkerleri rekrýtıng pen personaldy beıimdeýde Digital quraldardy qoldaný, HR, daǵdarystyq basqarý strategııasynyń tıimdiligin arttyrý, KPI jáne personaldy yntalandyrý, ınklıýzıvti HR jáne komandadaǵy ártúrlilik, tsıfrlyq gıgıena jáne qaýipsizdik, personaldy basqarýdaǵy emotsııalyq ıntellekt jáne ózge de taqyryptardy kóterdi.
Konferentsııany QR PІB Medıtsınalyq ortalyǵynyń basshysy Alekseı Tsoı ashty, al sessııalarǵa QR densaýlyq saqtaý vıtse-mınıstri Beıbit Esenbaev, «Samuryq-Qazyna» AQ adam resýrstaryn basqarý departamentiniń dırektory Elmıra Karımova jáne ózge de kompanııalardyń ókilderi qatysty.
HR vorkshoptar
Sondaı-aq, Gúlnur Bókenova MTAJO ár aı saıyn HR qaýymdastyqtarǵa arnalǵan vorkshoptar ótkizetinin atap ótti. Onyń barysynda qatysýshylar oqý sharasynan ótip, ózderin qyzyqtyrǵan suraqtarǵa jaýap alady jáne praktıkalyq keısterdi qarastyrady.
Vorkshoptarǵa óz salasyn boıynsha kóp jyldyq tájirıbesi bar bilikti sarapshylar spıker retinde qatysady.
HR, SMJ, avtomattandyrý jáne transformatsııa salasyndaǵy praktık sarapshy Igor Nesen oqýǵa qatysýshylarǵa korporatıvtik mádenıet jáne strategııalyq menedjment týraly áńgimeledi. Búginde jaıly jumys ortasy jumysshylardyń ónimdiligine tikeleı áser etetinin dáleldegen kóptegen zertteýler bar.
Trener KPI, júıesin endirýdiń sátti tájirıbesi, jumysty josparlaý jáne tıimdilikti arttyrý úshin HR quraldaryn qoldaný, sondaı-aq qyzmetkerlerdi oqytý men bul oqytýlardyń tıimdiligin taldaý týraly áńgimeledi.
Іri halyqaralyq kompanııalarda 15 jyldan astam halyqaralyq tájirıbesi bar HR sarapshy Zúlfııa Sembaeva personaldy irikteý jáne qabyldaý, sondaı-aq quzyretterdi baǵalaý taqyrybynda áńgimeledi. Trener HR mamandardy turaqty oqytý men damytý uıymnyń qarjylyq kórsetkishterine tikeleı yqpal etetinin atap ótti.
Jalpy, trenerler personaldy irikteý men basqarýdyń sapaly jolǵa qoıylǵan protsesteri kadr turaqsyzdyǵyn tómendetip, ujymnyń jumys tıimdiligin arttyrýǵa jáne kompanııadaǵy jalpy klımatty jaqsartýǵa múmkindik beredi. Budan bólek, eńbek naryǵynyń jyldam ózgerip jatqan sharttaryna beıimdelý qabileti kompanııalarǵa básekege qabiletti jáne kandıdattar úshin tartymdy bolýǵa jol ashady.
Atalǵan sharalar barysynda qatysýshylar ózekti máselelerdi talqylap, praktıkalyq stsenarıılerdi taldaýdy. Bul vorkshoptardyń biregeı ereksheligi retinde túrli vedomstvolyq baǵynyshty kásiporyndardaǵy áriptesterdiń ózara tájirıbemen jáne sátti keıstermen almasýyna múmkindik beretinin atap ótýge bolady. Mundaı tájirıbe qatysýshylardyń belsendi damýyna múmkindik berip qana qoımaı, PІB júıesindegi personaldy basqarý salasyndaǵy daryndardy anyqtaýǵa da jol ashady.
«Mine, sondyqtan da ózindik kásibı HR qaýymdastyqty damytý zamanaýı kompanııalar úshin, onyń ishinde memlekettik basqarýmen baılanysty qurylymdar úshin asa qajetti qadam bolyp tabylady. Bul adam resýrstaryn basqarý bólimderiniń qyzmetkerleriniń kásibı deńgeıin arttyryp, HR bıýdjetterdi ońtaılandyrýǵa da oń yqpal etedi»,- dep atap ótti Gúlnur Bókenova.
Aıta keteıik, MTAJO 12 jyldan beri QR PІB júıesiniń jáne ózge de uıymdardyń qyzmetkerlerin oqytýmen aınalysyp keledi. Bul kezeńde uıym 17 myńǵa jýyq adamdy oqytty.
«Birlesken oqý – damý men sáttiliktiń kilti. Biz tájirıbemen bólisemiz, jaqsy nátıjege yntalandyramyz jáne sizdermen birge bolashaqty quramyz. Bul – MTAJO ortalyǵynyń basty maqsaty», - dep atap ótti ortalyq prezıdenti.
