Pavlodarlyqtar Nursultan Nazarbaevqa úndeý joldady
Metallýrgtar men shahterlar, energetıkter men mashınajasaýshylar bir aýyzdan «Biz Ult lıderiniń ıgi bastamalaryn jalǵastyramyz» dedi. «Qazaqstan elektrolız zaýyty» AQ vıtse-prezıdenti Baýyrjan Smaıylov Tuńǵysh Prezıdenttiń laýazymynan ketetini jaıly habardy estigende aýyr kúrsingenin aıtty.
«Nursultan Nazarbaev ta biz sekildi metallýrg. Ol bizdiń jumysymyzdyń qanshalyqty aýyr ekenin jaqsy biledi ári únemi jumysshy ataýlyny qoldap keldi. Elbasy bizdiń zaýyttyń ashylýyna qatysty, bizdiń oǵan degen qurmetimiz sheksiz. Laýazymynan keterde ol elimiz turǵyndarynan Qazaqstandy odan ári jaqsartýdy surady. Biz buǵan ázirmiz. Eńbegimizben, otansúıgishtigimizben Elbasynyń tapsyrmasyn mindetti túrde oryndaımyz», - deıdi Baýyrjan Smaıylov.
Jastar da qarap qalǵan joq. Solardyń belsendiligimen Pavlodar alańynda alyp «Elbasy» jazýy paıda boldy. Júzdegen jas jumysshylar búkil qazaqstandyqtarǵa týysyndaı bolǵan sózdi qurady.
«Elbasy qashanda Qazaqstan jastaryn qoldap keldi, olardyń asa mańyzdy ári jaýapty jobalardy iske asyrýyna senim bildirdi. Biz oǵan alǵys aıtamyz. Ol bolashaq jastar qolynda ekenin jaqsy túsinedi, sondyqtan elde jastardyń damýyna barynsha jaǵdaı jasap keldi. Búginde árbirimiz kásipkerlikpen, qoǵamdyq jumystarmen, sportpen aınalysa alamyz», - deıdi Jastar bastamalaryn damytý ortalyǵynyń dırektory Tólegen Aıtbaev.
Elbasyn qoldaǵan fleshmobtan keıin Pavlodar jastary taǵy bir aktsııany oılastyrdy. Keshe máslıhat sheshimimen qala kósheleriniń birine Nursultan Nazarbaevtyń esimi berilgen bolatyn. Jigit-qyzdar kommýnaldyq qyzmetterge Tuńǵysh Prezıdenttiń esimi jazylǵan taqtalardy úılerge ilip shyǵýyna kómektesýge bel býǵan.
