Pavlodarlyq stýdentter konkımen qyz qýý oıynyn kórsetti

ASTANA. QazAqparat - S. Toraıǵyrov atyndaǵy Pavlodar memlekettik ýnıversıtetiniń stýdentteri «StudentsWinterGameChallenge» estafetasyn bastap, barlyq qazaqstandyq joǵary oqý oryndaryn qatysýǵa shaqyrdy, dep habarlaıdy pavlodarnews.kz.

«Ulttyq oıyndar negizinde jańa qysqy oıyndy oılap tabý. Estafetanyń bar sharty osy ǵana. Bizdiń stýdentter «Konkıde qyz qýý» oıynyn múz ústinde kórsetti. Oǵan 20 stýdent atsalysty Basqalary «konkıde teńge alý» nemese «Snoýbordpen báıge» syndy jańa oıyn túrlerin kórsete alady. Qazaqstannyń barlyq joǵarǵy oqý oryndaryn bul estafetany jalǵap ketýge shaqyramyz Bul sharanyń basty maqsaty - Ýnıversıdadanyń abyroıyn asqaqtatý men jas býyndy ulttyq oıynǵa tartý», - dep málim etti ýnıversıtettiń baspasóz qyzmetinde.

 Aıta keteıik, XXVIII qysqy Ýnıversıada oıyndarynyń alaýyn Pavlodarda 26 qańtar kúni jaǵady. Pavlodar oblysynyń qurmetti azamattary men ardager sportshylar, sondaı-aq jan-jaqty daryndy stýdentter alaýdy jaǵyp, qala kóshelerinde júrip ótedi. 11 shaqyrymǵa sozylǵan sharaǵa 60 adam qatysady dep kútilýde.
"S. Toraıǵyrov atyndaǵy PMÝ-de saǵat 10.00-de alaý jaǵylady. Munda teatrlandyrylǵan kórinis kórsetiledi. Máre saǵat 14.00-de «Astana» muz saraıynda ótedi dep josparlanýda. Muz saraıynda hokkeıshiler men konkımen júrý jáne basqa da sport sheberleri ónerin kórsetedi", - dedi oblystyq dene shynyqtyrý jáne sport basqarmasynyń basshysy Marat Aıdashev oblystyq ákimdikte ótken jıynda.