Pavlodarlyq aqyn Abaıdyń óleńine án jazdy
Jańa týyndynyń tusaýkeseri Buqar Jyraý atyndaǵy oblystyq mýzeıde ótti.
«Eki jastyń bir-birine degen súıispenshiligi, ǵashyqtyq sezimi sıpattalǵan ǵajaıyp ánniń baǵasyn tyńdarman qaýym aldaǵy ýaqyttarda bere jatar» - deıdi sharany uymdastyrýshylar.
Ony oblysqa tanymal jas ánshi Baýyrbek Bektemirov oryndady.
«Búgin mine, meniń án qorjynyma Abaı Qunanbaevtyń sózine jazylǵan «Ǵashyqtyq tili – tilsiz tilsiz til» áni enip otyr. Búgin mine tusaýy kesilip jatyr. Osy ánniń oıy, maǵynasy óte tereńde. Bul ánge án jazǵan ózimizdiń jerlesimiz, Pavlodar oblysyna tanymal qazirgi tańda 89 jasqa kelip otyrǵan Zekebaı Soltanbaıuly»,-deıdi Estaı atyndaǵy qalalyq mádenıet saraıynyń artısi Baýyrbek Bektemirov,
Aıta ketý kerek, pandemııaǵa baılanysty naýryz aıynan bastap búkil mádenıet salasy tolyq onlaın - rejımge kóshti. Soǵan qaramastan áleýmettik jeliler arqyly 50-ge tarta mádenı shara ótti. Qalanyń irgesinde turǵan Pavlodar aýylynda uly aqynnyń esimimen atalatyn kóshe jóndelip, 175 aǵash otyrǵyzylǵan. Al tamyz aıynda Abaı Qunanaevtyń eskertkishi boı kóteredi. Oblystyq Buqar Jyraý mýzeıi dara tulǵanyń taǵylymdy sózderin nasıhattaıtyn aktsııaǵa bastama boldy.
«Ár sala, ár qala turǵyny belsene qatysyp, Abaı jylyn atap ótýde. Mysaly, memlekettik organdarǵa keletin bolsaq, memlekettik mekemelerden basqa bizdiń tramvaı basqarmasy tramvaı bezendirip, qala kóshelerinde arnaıy bılbordtar ornatyldy. Kósheler abattandyrylyp jatyr. Aǵashtar otyrǵyzylyp jatyr osy mereıtoıǵa oraı ánder shyǵarylyp jatyr. Eń úlken sharanyń biri ol Abaı Qunanbaı ulynyń tulǵasyna Pavlodar qalasynda eskertkish ornatý»,-dedi qalalyq mádenıet jáne tilderdi damytý bóliminiń basshysy Samal Begalınova.
