Pavlodarlyqtar Býrabaıǵa deıin poıyzben bara alady

PAVLODAR. KAZINFORM - Elorda men Pavlodar arasyn jalǵaıtyn №7509/7510 elektr poıyzy 28 maýsymnan bastap Kókshetaý qalasyna deıin júre bastady. Poıyz jolda Býrabaı kýrorty stansasynda aıaldaıdy.

Bul týraly «Jolaýshylar tasymaly» AQ-nyń baspasóz qyzmetinen habarlady.

«Buǵan deıin Astana-Pavlodar-Astana» baǵytynda júrip kelgen elektr poıyzy 28 maýsymnan bastap Kókshetaý qalasyna deıin júre bastady. Pavlodardan jolǵa shyqqan poıyz elordada aıaldap, odan ári Býrabaı stansasyn basyp Kókshetaýǵa baryp toqtaıdy. Poıyz aptasyna eki márte, juma jáne jeksenbi kúnderi jazdyń sońyna deıin júredi», - dep málimdedi kompanııanyń baspasóz qyzmetinen.

Pavlodar qalasynan poıyz tańerteńgi saǵat 10.57-de saparǵa attansa, Býrabaıda sol kúni keshkilik saǵat 21.20-da, al saǵat 22.31-de Kókshetaýǵa jetedi. Al keri qaraı saǵat 11.50-de shyǵady. Býrabaıǵa deıingi bılettiń quny birinshi klasta – 8 012 teńge, ekinshi klasta – 7480 teńge, úshinshi klasta 6184 teńge.

Eske sala keteıik, Túrkistan oblysynda júk poıyzy relsten shyǵyp ketti.