Pavlodarlyq qutqarýshylar kórshi óńirge kómekke attandy
PAVLODAR. KAZINFORM - Pavlodar oblysynyń TJD kúshteri men quraldary Soltústik Qazaqstan oblysyna jol tartty. Qutqarýshylar sý tasqynyna qarsy sharalarǵa atsalysyp, yqtımal evakýatsııalyq sharalarǵa qatysady. Bul týraly óńirlik tótenshe jaǵdaılar departamentinen habarlady.
«TJD kúshteri men quraldar kolonnasy Soltústik Qazaqstan oblysynyń aýmaǵyndaǵy sý tasqynyna qarsy is-sharalardy atqarýǵa attandy. Qutqarýshylar óńirdiń sý tasqyny qaýpi bar ýchaskelerinde qajetti kómek kórsetetin bolady. Erigen sýdy soryp, transheıalar qazyp, qaptardy daıyndap jáne bógetterdi nyǵaıtady. Jaǵdaı qıyndaıtyn bolsa, qutqarýshylar sý basqan eldi mekenderden halyqty jedel qutqarýǵa jáne evakýatsııalaýǵa daıyn», - dep málimdedi departamentten.
Kórshiles aımaqqa barlyǵy 53 adam, qajetti qutqarý jabdyqtary men júzý quraldary bar 10 tehnıka shyqty.
Eske sala keteıik, pavlodarlyq volonterler sý tasqynynan zardap shekken aýyldarǵa kómektesip júr.
Al Aqkól — Jaıylma alqabyna sý bosatý sharasy bastaldy.
