Pavlodarlyq dárigerler adam tózgisiz derttiń emin tapty
Pavlodarlyq áıelge quny 1,5 mıllıon teńgeden asatyn operatsııa jasaldy, dep habarlaıdy Kazinform Pavlodarnews.kz-ke silteme jasap.
Shiderti aýylynyń turǵyny Irına Alehınanyń uzaq jyldar omyrtqasy aýyryp kelgen. Ol osteohondroz boıynsha emdelgen. Alaıda ol adam tózgisiz aýyrsynýdan keıin aýrýhanadan kómek suraǵan. Oǵan ekinshi bel omyrtqasynyń gemangıomasy dıagnozy qoıyldy.
Dárigerlerdiń aıtýynsha, bul otanyń quny 1,5 mıllıon teńgeden asady. Naýqasqa ota mindetti medıtsınalyq saqtandyrý aıasynda tegin jasalǵan.
- Tórt jyl boıy meniń arqam meni mazalap keldi. Maǵan qate dıagnozdar qoıylyp kelgen edi. Aqyrynda naqty dıagnozym qoıylyp, operatsııanyń MÁMS boıynsha tegin jasalǵanyna qýanyshtymyn. Ota 24 qazan kúni jasaldy. Qazir ózimdi jaqsy sezinemin, - deıdi Irına Alehına.
Aq jeleńdiler mundaı patologııa patsıentterde jıi kezdesetinin eske salady.
- Aıyna osyndaı segiz operatsııany jasaımyz. Teriniń, súıekterdiń, qabyrǵalardyń nemese omyrtqanyń gemangıomalary osy naýqasta kezdesedi. MÁMS baǵdarlamasy boıynsha naýqasqa josparly tártipte operatsııa júrgizildi. Operatsııa omyrtqa gemangıomasyna súıek tsementin júrgizý, ıaǵnı ony joıý jáne qýysty súıek tsementimen toltyrý boldy, - dep túsindirdi 1-shi qalalyq aýrýhananyń neırohırýrgııa bóliminiń meńgerýshisi Dáýren Safıýlla.
Dárigerler turǵylyqty jeri boıynsha emhanalarda josparly tekserýlerden jáne skrınıngterden ótý qajet ekenin qaıtalaýdan jalyqpaıdy. Sonyń arqasynda aýrýdy erte kezeńderde anyqtaýǵa bolady.
- Mindetti áleýmettik medıtsınalyq saqtandyrý júıesi barlyq saqtandyrylǵan azamattar úshin kirister men aýdarymdardyń mólsherine qaramastan sapaly medıtsınalyq kómekke teń qoljetimdilikti qamtamasyz etedi. Jedel jaǵdaılar men hırýrgııalyq aralasýlardan keıin qalpyna keltirý OS MÁMS paketinde de qoljetimdi bolady. Ár adam medıtsınalyq uıymdy ózi tańdaı alady – jeke nemese memlekettik, onda ol tekserilip, emdeledi, - dep túsindirdi "ÁMSQ" KEAQ Pavlodar oblysy boıynsha fılıalynyń dırektory Jangeldi Shaımbetov.
Joǵary tehnologııalyq medıtsınalyq kómek jáne onyń jekelegen túrleri MÁMS júıesindegi medıtsınalyq kómek tizbesine kiredi. ıAǵnı medıtsınalyq saqtandyrý qorynyń derekqoryna engizilgen klınıkalar patsıentterge medıtsınalyq qyzmet kórsete alady.
