Pavlodardaǵy alaıaq atyraýlyqtyń atynan 1 mln teńge nesıe rásimdegen

ATYRAÝ. QazAqparat – Pavlodardaǵy alaıaqtyń ınternet arqyly atyraýlyqtyń atynan 1 mln teńge nesıe rásimdegeni anyqtaldy, dep habarlaıdy QazAqparat.

Oblystyq polıtsııa departamenti baspasóz qyzmetiniń aqparatyna súıensek, 24 shildede Atyraý qalasynda turatyn 40 jastaǵy azamattan shaǵym túsken.

«Shaǵymdanýshynyń aıtýynsha, onyń uıaly telefondaǵy bank qosymshasy arqyly belgisiz

bireý 1 mln teńge nesıe rásimdegen. Jábirlenýshiniń atyna ınternet arqyly nesıe rásimdegen alaıaq Pavlodar oblysynyń 31 jastaǵy turǵyny ekeni anyqtaldy», -dep málim etti departamenttiń baspasóz qyzmetinen.

Qazir oǵan qatysty QR Qylmystyq Kodeksiniń 190-babynyń 1-bóligimen (Alaıaqtyq, ıaǵnı bótenniń múlkin jymqyrý nemese aldaý nemese senimdi teris paıdalaný jolymen bóten múlikke quqyqty ıemdený ) sotqa deıingi tergeý júrgizilýde.

Eske sala ketelik, budan buryn Atyraýda 60 adamdy jumysqa ornalastyrýǵa ýáde bergen

alaıaq ustalǵan bolatyn.