Pavlodarda jol-kólik apatynan 3 bala zardap shekti
PAVLODAR. KAZINFORM - Pavlodar men Aqsý arasyndaǵy tas jolda eki kólik soqtyǵysqan. Apat ornynan oblystyq balalar aýrýhanasyna 8, 10 jáne 11 jastaǵy úsh jasóspirim jetkizildi. Bul týraly óńirlik jedel járdem stansasynyń baspasóz qyzmetinen habarlady.
«Pavlodar men Aqsý qalalary arasyn jalǵaıtyn jolda júk kóligi men jeńil kólik soqtyǵysqan. Apat saldarynan 3 bala, atap aıtqanda, 8 jasar ul men 10 jáne 11 jastaǵy qyz balalar zardap shekti. Jedel járdem brıgadasy oqıǵa ornyna jedel jetip, zardap shekkenderdi oblystyq balalar aýrýhanasyna jetkizdi. Kólikte bolǵan 65 jastaǵy er adam men 66 jastaǵy áıel balalarmen aýrýhanaǵa birge ilesip bardy», - dep málimdedi óńirlik jedel járdem stansasynan.
Balalar aýrýhanadaǵy jaraqat bólimine jatqyzylǵan. Úsheýinde jabyq bas súıek-mı jaraqaty, mıdyń shaıqalýy tirkeldi jáne denelerinde apat saldarynan jaraqattanǵan jerleri bar.
Ótken demalys kúnderi jedel járdem stansasynyń brıgadalary jalpy sany 10 jol-kólik apaty boıynsha shaqyrtýǵa barǵan. Onyń bireýinde ZIL-men soqtyǵysqan skýter júrgizýshisi qaza tapqany týraly habarlanbyz.
