Pavlodarda jylý magıstralderi tolyq jańartyldy

ASTANA. KAZINFORM – Jyl basynan beri Pavlodarda respýblıkalyq máni bar 196 shaqyrym avtojol jóndeldi. Bul týraly óńir ákimi Asaıyn Baıhanov baıandady.

– Bıylǵy jylytý maýsymyna daıyndyq aıasynda biz 26,2 mlrd teńgege 37 shaqyrymnan astam jylý jelilerin salý, qaıta qurý jáne jóndeý jumystaryn júzege asyrdyq. Pavlodar jáne Ekibastuz qalalarynda jalpy uzyndyǵy 11 shaqyrym bolatyn JM-20A, JM-2 jáne JM-7 jylý magıstralderi tolyq jańartyldy, – dedi A. Baıhanov elordada Ortalyq kommýnıkatsııalar qyzmetinde.

Bul jumystar apattyq jaǵdaılardyń aldyn alýǵa múmkindik berip, 30 myńnan astam turǵyndy sapaly jylý qamtamasyz etken.

Sonymen birge, sý jáne káriz júıelerin jańǵyrtý jumystary da qarqyndy júrgizilip jatyr. Osy baǵytta 12,1 mlrd teńgege 25 aýqymdy joba qolǵa alynǵan.

– Jyl qorytyndysy boıynsha qalalyq jáne aýyldyq eldi mekenderdiń turǵyndary sapaly aýyz sýmen tolyq qamtylatyn bolady, – dedi Pavlodar ákimi.

Aıta keteıik, Pavlodarǵa 1 trln teńgeden astam ınvestıtsııa tartyldy.