Pavlodarda zeınetkerden 33 keliden astam marıhýana tabyldy

PAVLODAR. QazAqparat – Pavlodarda 67 jastaǵy zeınetkerden 33 keli marıhýana tárkilendi, dep habarlaıdy QazAqparat Polisia.kz saıtyna silteme jasap.

Jedel-izdestirý sharalaryn júrgizý barysynda Pavlodar qalasy polıtsııa basqarmasynyń esirtki qylmysyna qarsy is-qımyl jónindegi qyzmetkerleri esirtkini ótkizý jáne saqtaý kúdigi boıynsha 67 jastaǵy qala turǵynyn ustap, ýaqytsha ustaý ızolıatoryna qamaýǵa aldy.

«Ustalǵan azamattyń turǵylyqty jerinen 33 keliden astam marıhýana jáne 3,3 keliden astam gashısh tabylyp, tárkilendi. Qazirgi ýaqytta QR Qylmystyq kodeksiniń 297-baby 3-bóligi boıynsha sotqa deıingi tergeý bastaldy. Barlyq qajetti tergeý sharalary júrgizilýde», – dep habarlady Pavlodar oblysy Polıtsııa departamentiniń baspasóz qyzmetinen.
Aıta ketý kerek, bıyl esirtkiniń zańsyz aınalymy salasynda 59 qylmys, onyń ishinde esirtki quraldary men psıhotroptyq zattardy ótkizýge baılanysty 47 fakti anyqtaldy.

Foto: polisia.kz