Pavlodarda uıaly telefon men velosıped jıi urlanady
PAVLODAR. KAZINFORM — Polıtseıler uıaly telefondy beıtanys adamdarǵa bermeý kerektigin eskertip otyr. Sebebi urlyqtyń kóbi osyndaı beıqamdyqtyń saldarynan týyndaıdy.
Tártip saqshylary Ertis-Baıan óńirinde jyl basynan 787 urlyq deregi tirkelgenin málim etti. Onyń ishinde 155 uıaly telefon, 146 velosıped, 58 páter urlyǵy, 41 mal urlyǵyna qatysty bolsa, taǵy 21 oqıǵa avtokólik salonynan zat urlaýmen jáne 5-ýi qalta urlyǵymen baılanysty.
— Polıtsııa turǵyndarǵa urlyqtyń aldyn alý úshin qarapaıym erejelerdi saqtaýdy usynady. Eń áýeli jeke zattardy qaraýsyz qaldyrmaý urlyqtyń aldyn alady. Al lombardtarda, bazarlarda jáne kóshede zattardy, tehnıka men qurylǵylardy qujattarsyz satyp almańyz. Uıaly telefonyńyzdy beıtanys adamdarǵa bermeńiz. Velosıpedter men sábı arbalaryn úı kireberisterinde qaraýsyz qaldyrmańyz. Múliktiń qaýipsizdigin qamtamasyz etý úshin arnaıy qulyptaý qurylǵysyn paıdalanyńyz, — dep eskertti polıtsııa departamentinen.
Eske sala keteıik, Pavlodar oblysynda mal urlyǵymen aınalysqan úsh qylmystyq top quryqtaldy.