Pavlodarda úsik shalǵandar kóbeıdi
PAVLODAR. KAZINFORM – Pavlodar qalalyq №1 aýrýhanasynyń málimetinshe, qys bastalǵaly 24 adam úsik shalýmen túsken. Dárigerler 16 adamnyń aıaq-qolynyń saýsaqtaryn kesýge májbúr bolǵan.
Oblys ortalyǵynda úsikke urynǵandar sany arta túsken. Byltyr qazan aıynan beri qalalyq №1 aýrýhanaǵa úsikke shalynǵan 24 adam habarlasqan.
– Bıyl sýyq aýa raıy erterek, ótken jyldyń qazan aıynda tústi. Sondyqtan alǵashqy naýqastar qazan aıynyń sońynda, shamamen bir apta boıy aıaz bolǵan kezde kele bastady. Al jedel úsik shalǵan naýqastar sońǵy aıazdy kúnderi jetkizilip jatyr. 16 adamnyń úsikke qatty shalynǵany sonshalyq, aıaq-qolynyń saýsaqtaryn kesýge týra keldi, - deıdi aýrýhananyń kúıik bóliminiń meńgerýshisi Ashat Múrsálimov.
Keıingi aptada oblystyq balalar aýrýhanasyna úchik shalǵan eki bala túsken. Bir bala tekserýden keıin ambýlatorııalyq emdeýge shyǵarylǵan.
Al 2024 jyly týǵan ekinshi jetkinshek Jelezın aýdanynan jetkizilgen. Eki qoly men saýsaqtaryn úsik shalǵan. Qyz bala jaraqat bólimine jatqyzylǵan, jaǵdaıy turaqty.
Eske sala keteıik, Petropavlda úıden shyǵyp ketken zeınetker áıel aıazda úsik shalyp, mert boldy.