Pavlodarda Tuńǵysh Prezıdent qorynyń jobalary tanystyryldy
Pavlodar qalasynda QR Tuńǵysh Prezıdenti - Elbasy Qorynyń kúnderi ótkizildi. Qor oblys ákimdigimen birlese otyryp Memleket basshysynyń talantty jastardy qoldaýǵa baǵyttalǵan ıdeıalaryn nasıhattaýdy, jobalarǵa óńir jastaryn tartýdy kózdeıdi.
Tuńǵysh Prezıdent qorynyń jumysymen tanysý onyń ókilderi jáne oblys ákimi Bolat Baqaýovtyń resmı kezdesýinen bastaldy.
Kezdesý barysynda atqarýshy dırektordyń orynbasary Igor Rogov Tuńǵysh Prezıdent qorynyń qyzmeti týraly aıtyp berdi. Sondaı-aq taraptar birlesken jobalarǵa jastardyń atsalysýyn talqylady.
«Biz jylyna 100-ge jýyq joba ótkizemiz. Olar adamı kapıtaldyń jınaqtalýyna, básekelestigin joǵarlatýǵa jáne qazaqstandyqtardyń jańa generatsııasyn qalyptastyrýǵa baǵyttalǵan. Bizder ǵylym, mádenıet jáne ınnovatsııanyń damýyna qyzyǵýshylyq tanytatyn jas daryndarǵa kómektesemiz. Bul baǵyttardyń barlyǵy Elbasy N. Nazarbaevtyń Jastar jylynyń ashylý barysynda aıtqan ıdeıalarymen jáne qoıylǵan mindettermen sáıkes keledi», - dedi ol.
Óz kezeginde oblys ákimi B. Baqaýov aımaqta óskeleń urpaqty qoldaýǵa arnalǵan sharalar týraly málimdedi. Bul jyly 500-ge jýyq áleýmettik jáne mádenı shara ótkizý josparda bar. Sonyń ishinde jastardy jumyspen jáne úımen qamtý máselesine basymdyq beriledi.
Taraptar jastardy qoldaý maqsatynda qarym-qatynasty nyǵaıtýǵa jáne yntymaqtastyqty qalyptastyrýǵa kelisti.
Kezdesý sońynda qor atynan «Jastardyń bastamalaryn damytý ortalyǵyna» kompıýterlik quraldar alý úshin 3 mln teńge kólemindegi sertıfıkat tabystaldy.
Resmı kezdesýden soń S. Toraıǵyrov atyndaǵy Pavlodar memlekettik ýnıversıtetinde jastarmen kezdesý uıymdastyryldy. QR Tuńǵysh Prezıdenti qorynyń, QR Memlekettik tildi damytý qorynyń, qor janyndaǵy Jas ǵalymdar keńesiniń ókilderi jáne laýreattar qordyń sharalary men konkýrstary týraly aıtyp berdi, sheberlik saǵattar ótkizdi.
Memlekettik tildi damytý qory óziniń tildik jobalarymen jınalǵan jurtty tanystyryp ótti. Olardyń ishinde qazaq tilin tegin úıretetin «Soyle.kz» onlaın kýrsy, bıyl kýrstyń aǵylshynsha jáne latyn grafıkasyndaǵy nusqasy ashyldy, «Balasoyle» mobıldi qosymshasy, «Resmihat.kz» is-qaǵazdaryn qazaq tilinde ázirleýge úıretetin onlaın-portaly, Soyletube.kz - Youtube kanalyna ornalastyrylǵan qazaq tili beınesabaqtary, «Uly dala ańyzdary» onlaın jobasy aıasynda veb-grafıkalyq romandar serııasy qazaq, orys jáne aǵylshyn tilderindegi «Qazcomics.kz» veb-saıty men mobıldi qosymshasy, smartfondar men planshetterge arnalǵan latyn áripterimen qazaqsha pernetaqta «Qazaq Latyn Keyboard» mobıldi-qosymshasy, «Qazaqstan3D» veb-saıty men mobıldik qosymshasy, «Abaialemi.kz», «Tattialma.kz», «Meniń Qazaqstanym», «Qazaqstannyń uly tulǵalary», «Qazaqstan merekeleri», «Jeti qazyna» mobıldik qosymshalary.
Nátıjesinde 400 pavlodarlyq jas QR Tuńǵysh Prezıdenti - Elbasy qorynyń jobalary men «Smart zholy», «Altyn tobylǵy», «Kto ýmnee?», «Ýchenye býdýşego», «Asyl mura» sekildi konkýrstary týraly tolyǵyq maǵlumat aldy, olarǵa qatysý joldarymen tanysty.
Aıta ketý kerek, Pavlodar oblysynyń jastary Túńǵysh Prezıdent qorynyń jobalaryna belsendi qatysady. Osy kúnge deıin 60 jas konkýrstardyń jeńimpazy bolyp, laýreat atanǵan.
Sonymen qatar qor qonaqtary «Astana - Uly dalanyń jaýhary» fotokórmesimen tanystyryldy, al klassıka ónerine qushtar qaýymǵa qordyń laýreattary Naýryz merekesine arnalǵan kontsert berdi.
Estaı atyndaǵy Qalalyq mádenıet úıiniń sahna tórinde belgili óner maıtalmandary, halyqaralyq konkýrstardyń jeńimpazdary - Súndet Baıǵojın, Azamat Jyltyrkózov, Tatıana Vıtsınskaıa, Dına Mırmanova, Bıbigúl Januzaq, Jibek Saparǵalıeva, Marat Aıtimbaı, Ermek Qurmanaev jáne t.b. óner kórsetti.
QR Tuńǵysh Prezıdenti - Elbasy qorynyń kúnderin oblystarda ótkizý dástúrge aınaldy. Jastar jylyn Tuńǵysh Prezıdent qory Pavlodar oblysynan bastady.
