Pavlodarda sýyq tıip aýyrǵandar kóbeıe bastaǵan

PAVLODAR. KAZINFORM — Óńirde jiti respıratorlyq vırýstyq ınfektsııaǵa shaldyqqandardyń qatary kúnnen kúnge artyp keledi. Epıdemıollgııalyq maýsym bastalǵaly 1,5 myńnan astam jaǵdaı tirkelgen.

Oblystyq sanıtarııalyq-epıdemıologııalyq baqylaý departamenti basshysynyń orynbasary Zamzagúl Dosjanovanyń aıtýynsha, vırýs juqtyrǵan naýqastar sany kóbeıe bastaǵan.

— Epıdmaýsym bastalǵaly Pavlodar oblysynda 1,5 myńnan astam JRVI jaǵdaıy anyqtaldy. Aýrýshańdyq kórsetkishi 100 myń turǵynǵa shaqqanda 146,2-ni qurady. Aýyrǵandardyń eń kóbi 14 jasqa deıingi balalar, olardyń arasynda 648 jaǵdaı tirkelgen. Al tumaý ázirshe tirkelgen joq, — deıdi ol.

Dúnıejúzilik densaýlyq saqtaý uıymynyń boljamyna sáıkes, aldaǵy epıdemıologııalyq maýsymda tumaý vırýsynyń A (H1N1), A (H3N2) jáne B sııaqty úsh shtamy ózekti bolady. Bul shtamdar Pavlodar oblysy úshin 80 myń doza mólsherinde satyp alynǵan «Grıppol plıýs» vaktsınasynyń quramyna engizilgen.

Óńirde tumaýǵa qarsy vaktsınalaý qyrkúıek aıynda bastalǵan. Búgingi tańda 28 myńnan astam adam egilgen.

Eske sala keteıik, elimizde jyl saıyn 600-ge jýyq bala onkologııalyq aýrýǵa shaldyǵady.