Pavlodarda «Saıasatker-áıelder klýby» quryldy

PAVLODAR. Mamyrdyń 11-i. QazAqparat /Vera Lıvıntsova/ - Pavlodarda qurylǵan «Saıasatker-áıelder klýby» búgin, mamyrdyń 11-i kúni alǵashqy otyrysyn ótkizdi. Onyń jumysyna aımaq basshysy Baqytjan Saǵyntaev, QR Prezıdenti janyndaǵy áıelder isteri jáne demografııalyq saıasat jónindegi Ulttyq komıssııanyń hatshysy Serik Ahmetov, «Qazaqstannyń isker áıelder qaýymdastyǵy» respýbıkalyq qoǵamdyq birlestiginiń prezıdenti Raýshan Sársenbaeva qatysty.

Oblys ákiminiń orynbasary Álııa Ǵalymova osyndaı klýbtardyń Astana jáne Almatyda qurylǵandyǵyn ataı kelip, klýb otyrysyn ashty. Pavlodarlyq áıelder eldegi alǵashqy aımaqtyq klýb qurdy. Onyń músheleriniń qatarynda qalalyq jáne oblystyq máslıhat depýtattary, basqarmalar men departamentter basshylary, isker-áıelder, ǵalymdar, ÚEU kóshbasshylary, memlekettik qyzmet ardagerleri bar.

Saıasatker-áıelder klýbynyń músheleri áıelderdiń memlekettik jáne qoǵamdyq-saıası jumystarǵa aralasýy úshin kadrlyq qordy qalyptastyrý isine aralasýdy, turǵyndardyń genderlik baǵytta bilim alýyna belsendi atsalysýdy, qazaqstandyq saıasatker-áıelderdiń jemisti tájirıbelerin taratýdy ózderiniń mindetteri dep sanaıdy.

Klýbtyń qurylǵandyǵyn quptaı otyryp, Baqytjan Saǵyntaev «Pavlodar oblysynda áıelder memlekettik basqarýǵa qatysýda, departamentter men basqarmalarǵa basshylyq etedi, jeke kásipkerlikteriniń jemisin kórýde. Oblysta «Іsker áıelderdiń qaýymdastyǵy» tamasha jumys isteýde», - dep atap ótti. Aımaq basshysy áıelder arasynan kadrlyq qor qurý men talantty basshylardy joǵarylatý ıdeıasyn qoldady.