Pavlodarda rotavırýstyq ınfektsııa juqtyrǵandar kóbeıdi

PAVLODAR. KAZINFORM - Іshek ınfektsııasyn juqtyrǵandardyń 65%-da dert rotavırýspen baılanysty. Jyl basynan beri rotavırýs 98 adamnan anyqtalǵan.

Dárigerler rotavırýspen aýyrǵandardyń sany ótken jylmen salystyrǵanda 9 esege ósip ketkenin aıtyp, alańdap otyr.

- Rotavırýs – bul asqazan-ishek joldarynyń ınfektsııalyq aýrýy. Onyń belgileri qusý, ish ótý, álsizdik, júrek aıný jáne dene qyzýynyń kóterilýimen sıpattalady. Bul dert kez kelgen balaǵa juǵýy múmkin. Kóp jaǵdaıda aýyrǵandardyń 95 paıyzy mektep aldy jasyndaǵy balalar bolyp shyǵady. Ótken jyly onymen oblysta 11 adam aýyrsa, bıyl osy dertke 98 adam shaldyqqan,-deıdi oblystyq sanıtarııalyq-epıdemıologııalyq baqylaý departamenti basshysynyń orynbasary Zámzagúl Dosjanova.

Mamandar atalǵan vırýs túri as qorytý júıesi arqyly juǵatynyn eskertedi. Bala sýda shomylyp júrgende nemese kir qolmen tamaq ishkende, ydys, oramal, maılyq, oıynshyqtar arqyly juǵýy yqtımal.

Eske sala keteıik, buǵan deıin Pavlodarda respıratorlyq vırýstyq ınfektsııa juqtyrǵandar kóbeıe túskeni týraly jazǵanbyz.