Pavlodarda ózenge batyp bara jatqan er adam qutqaryldy

PAVLODAR. KAZINFORM — Ony Ýsolka ózenin patrýldeý kezinde jedel-qutqarý jasaǵynyń qyzmetkerleri baıqap qalǵan. Azamat arnaıy jabdyqtalmaǵan jerde sýǵa túsken.

Pavlodar oblysy tótenshe jaǵdaı departamentiniń qutqarýshylary sýǵa batyp bara jatqan adamdy qutqardy.

«Ýsolka ózeninde patrýldeý kezinde qutqarýshylar 1989 jyly týǵan er adamnyń sýǵa batyp bara jatqanyn baıqady. Jedel-qutqarý jasaǵynyń qyzmetkerleri er adamdy sýdan shyǵaryp, jaǵaǵa jetkizdi. Qutqarylǵan azamat din aman», - dep habarlady Pavlodar oblysy tótenshe jaǵdaı departamentiniń baspasóz qyzmetinen.

Tótenshe jaǵdaı mamandary turǵyndardy sý aıdyndarynda qaýipsizdik erejelerin saqtaýǵa shaqyryp otyr. Beıtanys jáne arnaıy jabdyqtalmaǵan jerlerde shomylýǵa bolmaıdy.

Eske sala keteıik, Pavlodarda eki jigit sýǵa batyp ketti.