Pavlodarda otqa oranǵan úıden 12 adam qutqaryldy
PAVLODAR. KAZINFORM — Tótenshe jaǵdaılar mınıstrliginiń baspasóz qyzmeti 1986 jyly týǵan er adamnyń tútinnen ýlanyp, aýrýhanaǵa jetkizilgenin habarlady.
Pavlodar qalasynda úsh qabatty turǵyn úıdiń birinshi qabatynda ornalasqan páter órtendi.
Bul týraly QR Tótenshe jaǵdaılar mınıstrliginiń baspasóz qyzmetinen habarlady.
— Pavlodar qalasynyń órt sóndirýshileri Suraǵanov kóshesinde ornalasqan úsh qabatty turǵyn úıdiń birinshi qabatyndaǵy páterdegi órtti sóndirdi. Tótenshe jaǵdaılar qyzmetiniń kúshteri turǵyndardy evakýatsııalaýdy júrgizdi. Bizdiń mamandar barlyǵy 12 adamdy, onyń ishinde 2 balany qutqardy. 1986 jyly týǵan tturǵyn tútinnen ýlanyp qalǵan. Er adam aýrýhanaǵa jetkizildi, — dep málimdedi mınıstrliktiń baspasóz qyzmetinen.
Páterdegi órt sharpyǵan jerdiń jalpy aýmaǵy — 15 sharshy metr.
Eske sala keteıik, SQO turǵyny órtengen úıden úsh balany aman alyp shyqqanyn jazdyq.