Pavlodarda kýrer 1,6 keli esirtkimen ustaldy

PAVLODAR. KAZINFORM - Tártip saqshylary odan jalpy salmaǵy 1,6 kılogram sıntetıkalyq preparattardy tárkiledi. Kúdiktige qatysty tergeý amaldary júrgizilip jatyr.

Óńirlik polıtsııa departamentiniń esirtki qylmysyna qarsy is-qımyl bóliminiń qyzmetkerleri Pavlodar qalasynyń aýmaǵynda tyıym salynǵan zattardyń zańsyz taralýy týraly jedel aqparat alǵan. Polıtseıler jedel izdestirý sharalaryn júrgizip, esirtki tasymaldap júrgen 28 jastaǵy turǵyndy anyqtady.

«Jedel ýákilder qaskúnemdi «qaptamany» salyp jatqan kezde ustady. Ol tanymal messendjerdegi ınternet-dúkenniń kýreri ekeni anyqtaldy. Tekserý barysynda jedel ýákilder odan tyıym salynǵan zattardyń ornalasqan jeri týraly aqparaty bar uıaly telefondy alyp qoıdy. Sonymen qatar, jalpy salmaǵy 1,6 kılogramnan asatyn sıntetıkalyq preparattary bar 18 konvolıýtsııa men 4 plastıkalyq konteınerdi, sondaı-aq quramynda esirtki bar 189 tabletkany tárkiledi», - dep habarlady Pavlodar oblysy polıtsııa departamentiniń baspasóz qyzmetinen.

Kúdikti qamaýǵa alyndy. Atalǵan fakti boıynsha QR Qylmystyq kodeksiniń 297-baby 3-bóligi boıynsha sotqa deıingi tergep-tekserý júrgizilip jatyr.

Eske sala keteıik, Jyl basynan beri esirtki taratqan 19 jasóspirim ustaldy.

Elimizde esirtki óndiretinder ómir boıyna bas bostandyǵynan aıyrylýy múmkin.