Pavlodarda kıiz basý ónerin ıgergen oqýshylardyń kórmesi ótti
Joba «Rýhanı jańǵyrý» baǵdarlamasy sheńberinde qolǵa alynǵan.
Qalalyq bilim berý bóliminiń málimeti boıynsha, ekspozıtsııada «Dymqyl kıiz basý», «Qurǵaq kıiz basý», «Aralas kıiz basý», «Júndi akvarel» tehnıkasymen júnnen oryndalǵan jumystar bar.
Jarty jyl boıy mektep ustazdary Inna Maslennıkova, Natalııa Reshetova, Altyn Kısamedenova balalardy kıiz basý sheberliginiń túrli tásiline úıretken.
- Jalpy, júnnen kıiz basý – ejelgi dáýirden bastap ata-babamyzdyń eń kóne qolóner túri. Adamdar shamamen júnniń jabaǵylaný qasıetin 8000 jyl buryn anyqtady. Bul qoı ósirýmen aınalysqan Orta Azııa, Reseı halyqtarynyń dástúrine tán. Ejelde Noı óz kemesinde qoılardy tasymaldaǵan kezde óte tar bólmede bolǵan jáne bir orynda taptalyp turǵandyqtyn júnderi túsken, qoılardy syrtqa shyǵarǵanda sol jerde kilem tóselip jatqan degen ańyz bar. Qazaqtar júnnen ómirge qajetti kóptegen zattar - bas kıim, kıim, zergerlik áshekeı, kıiz úı, kilem jasaǵan», - deıdi Inna Maslennıkova.
Ónimderdi jasaý úshin sabyn-siltili eritindi, mindetti túrde tabıǵı jún qajet. Tegis buıymdar men kilemder úshin dymqyl kıiz, al áshekeıler úshin aralas kıiz qoldanylady, óıtkeni jún túrli-tústi, ádemi bolyp shyǵady.
«Qazirgi ýaqytta júnnen jasalǵan akvarel, aralas kıiz sııaqty qazirgi zamanǵy oıý-órnektiń kóptegen túri bar bolǵandyqtan, biz balalarmen birge ártúrli oıý-órnekterdi zerttep, jumys jasadyq, tipti kıizdi de, áshekeıleý úshin shashaqtar men túrli-tústi jipterdi de qoldandyq. Mysaly, Rımma Kaıdarova kıizden «Dala saryndary» pannosyn, Aleksandra Shvets «Jartasqa salynǵan órnekter», al ıAsmın Iskakova «Ejelgi jazýlar» jumystaryn «Júndi akvarel» tehnıkasynda oryndaǵan», - deıdi Natalııa Reshetova.
