Pavlodarda QHA músheleri latyn álipbıine qatysty pikirlerin ortaǵa saldy
Jıyn barysynda sóz alǵan Pavlodar oblysy QHA tóraǵasynyń orynbasary Jetpisbaı Seısembaı búgin respýblıka boıynsha memlekettik tildi latyn grafıkasyna kóshirýdiń biryńǵaı standartyn talqylaý kúni dep jarııalanǵanyn atap ótti. - Qazaq tiliniń latyn qarpine kóshýi aıasynda ustazdardy daıarlaý, oqý-ádistemelik materıaldar, mobıldik qosymshalar jasaý qarastyrylady. Búginde usynylyp otyrǵan latyn grafıkasy eń sońǵy nusqa emes, áli de ózgerister men tolyqtyrýlar engiziletin bolady. Bul baǵytta aýqymdy jumystar júrgizilip, ǵalymdar fonetıka, morfologııa salalaryn zerttep shyqty. Sonymen qatar, eýropa, túrik tilderiniń sarapshylary, kompıýterlik lıngıvstıka men baǵdarlamalar boıynsha mamandar tartyldy. Jumys toby 20 shaqty ǵylymı-pratıkalyq shara ótkizip, sońǵy eki aıda 2500-den astam adam jumyldyryldy. Memleket basshysy júıeli túrde jáne kezeń-kezeńmen josparly áreket etýdi tapsyrǵan. Sondyqtan bul iste asyǵystyq tanytýdyń qajeti joq, - deıdi Jetpisbaı Seısembaı.
S. Toraıyǵyrov atyndaǵy Qazaqstan halqy Assambleıasy kafedrasynyń meńgerýshisi, ǵylymı toptyń jetekshisi, tarıh ǵylymdarynyń doktory, professor Sáýle Mamytova bul protsesti latyn grafıkasyna qaıta oralý dep esepteıdi. Onyń aıtýynsha, 1929-1940 jyldar aralyǵynda bizdiń Alashtyń zııalylary latyn grafıkasynda jazǵan. Sonymen qatar, kezinde ata-babalarymyz da belgili bir deńgeıde latyn grafıkasyn jaqsy bilgen. Sondyqtan onyń túpki tamyry tereńde jatyr. - Búgingi tańda túrki elderi ǵana emes, bizdiń kórshilerimiz de latyn álipbıin sátti qoldanady. Bul rette, álemdik ıntegratsııalanǵan keńistikte Sıngapýr, Taıland elderin atap ótýge bolady. Kırıllıtsa alfavıtindegi keıbir áripter latyn grafıkasyna negizdelgen. Bizdiń jastarymyz kóshbasshy memlekettermen teń dárejede ıyq teńestirip, aqparattyq-tehnologııa damyǵan kezeńge saı bolýy úshin zaman kóshinen qalmaýy tıis. Áleýmettik saýalnamanyń qorytyndysy boıynsha turǵyndardyń basym bóligi latyn grafıkasyn qoldaǵan. Ekonomıkalyq turǵydan alatyn bolsaq, kóptegen ataýlar úsh tilde qaıtalanady jáne nátıjesinde qarjylaı shyǵynǵa ákeledi. Buǵan qosa, aqparattyń basym bóligi kırıllıtsaǵa aýdarylǵanǵa deıin birtalaı ýaqyt ketedi de, saldarynan bizge kesh túsedi. Bul másele bilikti mamandardyń qatysýymen kópshilik arasynda keńinen talqylanýy tıis, - deıdi professor.
Budan basqa, dóńgelek ústel basynda bas qosqan «Nur ana álemi» qoǵamdyq birlestiginiń tóraıymy Baqytjamal Maksılova, jastar birlestigi úılestirý keńesiniń tóraıymy Elına Paýlı jáne basqalary óz oılaryn bildirdi.
