Pavlodarda kardıoortalyqta bıýdjet qarajaty jymqyrylǵan

PAVLODAR. QazAqparat – Bul fakti Pavlodar oblysy ákimi apparaty ishki aýdıt qyzmetiniń aýdıtorlyq tekserýi kezinde anyqtaldy, dep habarlaıdy QazAqparat tilshisi.

«QR Qarjy monıtorıngi agenttiginiń Pavlodar oblysy boıynsha ekonomıkalyq tergeý departamenti 24 qańtarda Pavlodar oblystyq kardıologııa ortalyǵynyń qural-jabdyǵyn paıdalanýǵa berýge bólingen bıýdjettiń aqshalaı qarajatyn jymqyrý faktisi boıynsha sotqa deıingi tergeýdi bastady», - dedi ETD-den.

Sotqa deıingi tergeýdi tirkeýge Pavlodar oblysy ákimi apparatynyń ishki aýdıt qyzmetiniń aýdıtorlyq tekserýi negiz boldy.

«Atalǵan fakti boıynsha sotqa deıingi tergeý jalǵasyp jatyr. Qosymsha aqparat tergeý múddesine sáıkes jarııalanbaıdy», - dedi vedomstvodan.