Pavlodarda qaraqumyqtyń kelisi 470 teńgeden satylyp kelgen

PAVLODAR. KAZINFORM — Oblys ortalyǵyndaǵy saýda núktesiniń ıesi qaraqumyqty 470 teńgeden saýdalap kelgen. Al jergilikti naryqta atalǵan jarma óniminiń bosatý baǵasy 198 teńge bolǵan.

Pavlodar oblysynda áleýmettik mańyzǵa ıe azyq-túlik taýarlarynyń shekten tys qymbattaýyna qatysty turǵyndar tarapynan shaǵym jıilep tur. Ónimge qosylatyn ústemeni 15 paıyzdan asyryp jibergen 95 dúkenniń ıesi jazaǵa tartylǵan.

«Jyl basynan azamattardyń shaǵymy boıynsha jospardan tys 65 tekserý júrgizdik. Nátıjesinde 59 kásipkerlik sýbektisi ákimshilik jaýapkershilikke tartyldy. Buǵan qosa memlekettik organdardyń shaǵymy boıynsha taǵy 36 kásipker jazalandy. Kásipkerler kóbine jarma ónimderine, qantqa jáne kúnbaǵys maıyna baǵany ósirip belgileıdi. Máselen, áldebir saýda núktesiniń qojaıyny qaraqumyqtyń kılogramyn 470 teńgeden satqan. Al ony bosatý baǵasy — 198 teńge. Bizdiń mamandardyń aralasýymen atalǵan dúkendegi qamaqumyq baǵasy 227 teńgege túsirildi», deıdi Pavlodar oblysy boıynsha saýda jáne tutynýshylardyń quqyqtaryn qorǵaý departamentiniń basshysy Dáýlen Qabdyshev.

Eske sala keteıik, Almatyda áleýmettik mańyzy bar azyq-túlik baǵasyn kótergender anyqtaldy.