Pavlodarda Estaıǵa eskertkish ornatylady
«Jastardyń jumyspen qamtylýy men áleýmettik máselelerge erekshe nazar aýdarylatyn bolady. «Uzdik Maman» baıqaýy, jumys isteıtin jastar arasynda saıystar, tehnıkalyq kolledjder bazasynda WorldSkills óńirlik chempıonat uıymdastyrylady. «Mereıli otbasy», «Táýelsizdik qurdastary» jáne «Ertis Daryny» baıqaýlary ótedi. Budan basqa, bilim berý jáne zertteýshilik jobalarda tabystarǵa jetýge tyrysyp júrgen talantty jastarymyzdy ilgeriletý boıynsha sharalar uıymdastyrylady», - dedi Aqparat jáne qoǵamdyq damý basqarmasynyń basshysy Azamat Baıtenov.
Onyń aıtýynsha, jalpyulttyq «Mereıli ister marafonynda» jyl ishinde Pavlodar oblysynyń iri ónerkásip kásiporyndary, bıznes, úkimettik emes, sonyń ishinde jastar men eriktiler uıymdarynyń qatysýshylary qatysady.
«Mereıtoılyq kúntizbege Jambyl Jabaevtyń 175-jyldyǵy, Qajymuqan Muńaıtpasovtyń 150-jyldyǵy, Álıhan Bókeıhanovtyń 155-jyldyǵy, Ybyraı Altynsarınniń 180-jyldyǵy, Muqaǵalı Maqataevtyń 90 jyldyǵy jáne Semeı ıadrolyq polıgonynyń jabylǵanyna 30 jyl tolýyna oraılastyrylǵan sharalar da kirdi»,- dep atap ótti A.Baıtenov.
21 naýryzda Pavlodarda Ertis mańynyń týmasy, aqyn, ánshi jáne kompozıtor Estaı Berkimbaev eskertkishiniń ashylýy ótedi. Bul kúni Pavlodardyń Estaı atyndaǵy Mádenıet saraıy men «Shańyraq» ortalyǵynda, óńirdiń basqa qalalary men aýdandarynda óskeleń urpaq arasynda dombyra tartýdy áspetteýge arnalǵan dástúrli án ortalyqtary ashylady, dep habarlady Pavlodar ákiminiń baspasóz qyzmetinen.
