Pavlodarda eskirgen salt-dástúrdi nasıhattaýǵa basymdyq beriledi

ASTANA. KAZINFORM – Bıyl Pavlodar oblysynyń ákimdigi Naýryz merekesin atap ótý barysynda ulttyq salt-dástúrlerdi nasıhattaýǵa basymdyq berýdi josparlap otyr. Ár aýdanda eskirgen dástúrler jurt nazaryna usynylyp, barynsha jańǵyrtylmaq. 

Ortalyq kommýnıkatsııalar qyzmetinde ótken brıfıngide Pavlodar oblysy mádenıet, tilderdi damytý jáne arhıv isi basqarmasynyń basshysy Medet Taýasqan aımaqta josparlanǵan is-sharalardy aıtyp berdi. 

– Aımaǵymyzda «Uly dalanyń Uly esimderi» ǵylymı-praktıkalyq konferentsııasy, «Urshyq fest» festıvali, «Altyn shańyraq» merekelik is-sharasy, «Taqııaly qyz – trendte» atty taqııa tigý boıynsha baıqaý, «Kıeli kımeshek» kórmesi sııaqty úlken merekelik is-sharalar uıymdastyrylady. Bıylǵy Naýryzdyń ereksheligi – biz salt-dástúrge keńinen jáne aýqymdy túrde toqtaǵandy jón kórip otyrmyz. Árbir eldi mekende qazaqtyń bir salt-dástúrin jańartyp, ony oqýshylardan bastap zeınetkerlerge deıin túsindirý jumystaryn júrgizemiz, - dedi M.Taýasqan.

Mundaı bastama óńirde bıyl aqpan aıynan beri jalǵasyp jatqan kórinedi. 1 naýryzdan bastap jyldaǵy dástúr boıynsha pavlodarlyqtar jumysqa ulttyq kıimmen baryp júr eken.

Jalpy, Áz-Naýryzda oblysta 250-ge jýyq kıiz úı tigilý josparlanyp otyr.