Pavlodarda besinshi qabattan 2 jasar bala qulap ketti

PAVLODAR. KAZINFORM - Zardap shekken bala oblystyq balalar aýrýhanasynyń jansaqtaý bólimine jatqyzyldy. Jaǵdaıy aýyr, birinshi dárejeli komaǵa túsken. 

Pavlodarda 2 jasar er bala besinshi qabattaǵy terezeden qulap ketti. Jazataıym oqıǵa ájesiniń úıinde bolǵany anyqtaldy. Bul týraly Bala quqyqtary jónindegi óńirlik ýákil Sáýle Shákenova habarlady. 

— Búgin 2 jasar bala ájesiniń úıinde qonaqta bolǵan ýaqytynda 5-qabattan qulap ketken. Zardap shekken jetkinshek kóptegen jaraqatpen, aýyr jaǵdaıda oblystyq balalar aýrýhanasynyń jansaqtaý bólimine jatqyzyldy. Bul jyl basynan balalardyń bıikten qulaýy boıynsha tirkelgen oblystaǵy alǵashqy oqıǵa, - dep habarlady balalar ombýdsmeni.

Oblystyq balalar aýrýhanasynyń baspasóz qyzmeti qabyldaý kezinde er balanyń jaǵdaıy aýyr, birinshi dárejeli komaǵa túskenin habarlady.

— Balada túrli jaraqat bar: jabyq bas mıynyń jaraqaty, mıdyń shaıqalýy, mı jaraqaty. Sondaı-aq ókpe kontýzııasy, ish qurylysynyń jaraqaty tirkeldi. Qazirgi ýaqytta mı, moıyn, keýde qýysy, ish qýysy jambasyn qamtı otyryp kompıýterlik tomografııa jasaldy. Balany tekserý áli de jalǵasyp jatyr, - dep málimdedi balalar aýrýhanasynan.

Eske sala keteıik, Qosshyda balalar mingen shaǵyn avtobýs apatqa ushyrady.