Pavlodarda balalaryn úıde qamap ustaǵan maskúnem ata-ana anyqtaldy
PAVLODAR. KAZINFORM - Úıde qamalyp otyrǵan 3 balany prokýrorlar reıd barysynda anyqtap, qutqarǵan. Olarǵa alǵashqy dárigerlik kómek kórsetilip, áleýmettik qorǵaý organdary baqylaýǵa aldy.
Prokýrorlar balalardyń quqyqtaryn qorǵaý jáne otbasylyq-turmystyq saladaǵy quqyq buzýshylyqtardyń jolyn kesý maqsatynda reıdtik is-sharalar júrgizip júrip, turmysy nashar otbasyny anyqtaǵan.
«Pavlodar aýdanynda turatyn álgi otbasynyń ata-anasy úsh kún boıy ishimdik iship, kámeletke tolmaǵan úsh balany mektepke jáne dalaǵa jibermegenderi anyqtaldy. Pavlodar aýdanynyń prokýratýrasy jergilikti atqarýshy organdarmen, aýdandyq bilim berý, polıtsııa, densaýlyq saqtaý bólimderimen birlesip, balalardy bosatty jáne olarǵa alǵashqy qajetti kómek kórsetti», dep habarlady óńirlik prokýratýradan.