Pavlodarda azyq-túlik dúkeni órtendi

Ótken túnde Pavlodar qalasyndaǵy «Best et» dúkeninde órt shyǵyp, tilsiz jaý ǵımarattyń 200 sharshy metr aýmaǵyn sharpyp ótken, dep habarlaıdy Kazinform.

Óńirlik tótenshe jaǵdaılar departamentinen habarlanǵandaı, dúkenniń ekinshi qabatynda jıhazdar, aǵash konstrýktsııalar, birinshi jáne ekinshi qabattar arasyndaǵy tóbeler, shatyr janǵan.

«Oqıǵa ornynda 48 adam men 11 tehnıka jumys istedi. Órt týraly habar saǵat 04.00-de tússe, órt sóndirýshiler qyzyl jalyndy saǵat 06:31-de aýyzdyqtaǵan. Qurbandar men zardap shekkender joq. Órttiń shyǵý sebebi anyqtalýda», - dep habarlady oblystyq TJD.

Aıta keteıik, «Best et» – Ekinshi Pavlodar aýmaǵynda, Malaısary batyr jáne Elgın kósheleri qıylysynda ornalasqan azyq-túlik dúkeni.