Pavlodarda «ASARPVL» áleýmettik jobalar jármeńkesi ótedi
Onda 15 úkimettik emes uıym 28 áleýmettik jobasyn tanystyrady, dep habarlaıdy pavlodarnews.kz .
Atalmysh sharanyń maqsaty - azamattyq qoǵam uıymdary, bıznes pen memlekettik bılik organdary arasyndaǵy áriptestik qarym-qatynastaryn damytýǵa yqpal etý. Jármeńkede úsh baǵyt boıynsha jobalar usynylady. Olar: múmkindikteri shekteýli adamdardy, turǵyndar men jastardyń áleýmettik osal toptaryn qoldaý, ekologııa jáne ólketaný, azamattyq qoǵam uıymdary men áleýmettik kásipkerlikti, qolóner kásibin damytý. Jobalarda ÚEU qyzmetin damytýǵa arnalǵan ıdeıalar, memlekettik áleýmettik tapsyrysty iske asyrý jáne bıznestiń áleýmettik jaýapkershilik baǵyttary qamtylǵan. Іs-sharany ótkizý barysynda óńirdiń múddeli mekemeleri men azamattyq sektory ókilderiniń arasynda memorandýmdarǵa qol qoıylmaq. Sondaı-aq, «Rýhanı jańǵyrý» jobalaý keńsesi ókilderiniń qatysýymen uıymdastyrylǵan pikirtalas alańynda is-sharaǵa qatysýshylar pikir alysyp, ózderin tolǵandyrǵan máseleler boıynsha keńes alady.
