Pavlodar turǵyndary qazaq tilin qanshalyqty biledi

PAVLODAR. QazAqparat - Pavlodarda Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyn iske asyrý sheńberinde qalalyq saýda úılerinde alǵash ret «Qazaqshańyz qalaı?» aktsııasy ótti. 

 Bul týraly oblystyq tilderdi damytý basqarmasynyń  bólim mamany Samat Qushmaǵulov aıtty, dep habarlaıdy pavlodarnews.kz.

«Shara adam kóp  júretin «Manaqbaı» saýda úıinen  bastaldy. Oǵan «Serpin» baǵdarlamasy boıynsha bilim alyp jatqan Pavlodar memlekettik pedagogıkalyq ýnıversıtetiniń belsendi stýdentteri atsalysty.   Barlyǵy 40 shaqty adam qamtyldy»,- deıdi Samat Qushmaǵulov.

 Qala turǵyndaryna jastar men basqarma mamandary oblystyń 80 jyldyǵyna oraı óńir tarıhy, qazaqtyń belgili aqyndary men bıleri, aımaqtaǵy  tanymal tulǵalar, Keńes Odaǵy Batyrlarynyń esimderimen atalǵan kósheler týraly suraqtar qoıǵan. Sonymen qatar, «Rýhanı jańǵyrý» memlekettik baǵdarlamasy men Qazaqstan halqy Assambleıasynyń mańyzdylyǵy  boıynsha saýalnama júrgizildi.



Suraqtarǵa eń belsendi jaýap bergen, memlekettik tildi meńgerý deńgeıi joǵary qatysýshylarǵa Muhtar Áýezovtiń «Abaı joly» roman-epopeıasy,  Beıimbet Maılınniń «Shuǵanyń belgisi»  povesi sııaqty belgili jazýshylardyń týyndylary  túsirilgen  elektrondy kitaptar syıǵa tartyldy.