Pavlodar oblysynda zeınetaqysyn almaǵan 9 myń adam izdestirilýde
Óńirlik kommýnıkatsııalar qyzmetinde ótken baspasóz máslıhatynda «Biryńǵaı jınaqtaýshy zeınetaqy qory» AQ oblystyq fılıalynyń dırektory Vladımır Pıtrakov atap ótkendeı, óńirdiń 9 myń zeınetkeri jınaqtaýshy zeınetaqyny rásimdemegen. - Atalǵan zeınetkerlerdiń barlyq esep-shottarynda jınaqtalǵan soma 484 mıllıon teńgege teń, - deıdi Vladımır Pıtrakov. – Bul azamattar jónindegi barlyq málimetter bar. Qazirde bizder atalǵan turǵyndardy izdestirýge kúsh jumsaýdamyz.
«BJZQ» AQ oblystyq fılıalynyń dırektory aıtqandaı, atalǵan azamattardyń árbireýindegi qarajat kólemi ártúrli: 1 myńnan 1 mıllıon teńgege deıin. Qalaı degende de, zeınetaqysyn almaı júrgen adamdardyń jınaǵan qarajaty eshqaıda joǵalmaıdy. Tipti esep-shot ıesi qaıtys bolǵan jaǵdaıda ol qarajat zeınetkerdiń zańdy muragerine beriledi.