Pavlodar oblysynda UBT-ǵa daıyndyq bastaldy
Qalalyq bilim berý bóliminiń málimetinshe, testileýdiń maqsaty - oqýshylardyń pánder boıynsha bilimderin tekserý, ulttyq biryńǵaı testileýge daıyndalý kezinde kómek berý.
«Testileý segiz mektepte ótkizildi. Oǵan 35 mektepten 962 oqýshy qatysty. Testterge úsh mindetti pánder boıynsha suraqtar engizildi: matematıkalyq saýattylyq, oqý saýattylyǵy, Qazaqstan tarıhy. Sonymen qatar, oqýshylar matematıka, hımııa, fızıka, bıologııa, shetel tili jáne mektep baǵdarlamasynyń ózge de pánderi boıynsha eki pándi tańdap aldy», - deıdi qalalyq bilim bóliminiń mamany Baljan Ádilhanova.
Bolashaqta synamaly testileý júrgizý, qorytyndy attestatsııaǵa daıyndaý jáne «Altyn belgi» attestaty men úzdik attestatqa úmitkerlerdi testileý, muǵalimder úshin profıldi pánder boıynsha ádistemelik kómek kórsetýge baǵyttalǵan jumys jalǵasady.
