Pavlodar oblysynda taǵy bir aýdanda balabaqshalar qazaq tiline kóshiriledi
Bul týraly 2005 jyly ashylǵan atalǵan mektepke deıingi mekemeniń dırektory Ásel Manabaeva aıtty.
«Byltyrdan bastap bul baǵytta jumys júrgizilip keledi. Balabaqshadaǵy orys tildi tárbıeshiler arnaıy oqytý kýrstarynan ótken. Qazir orys tildi topqa aptasyna bir ret qazaq tilinen sabaq ótkiziledi. Balabaqsha toptaǵy balalardyń jas ereksheligine saı jıhazdarmen qamtamasyz etilgen. Ári munda balaqaılardyń ártúrli tapsyrmalardy oryndaýy úshin tolyq jaǵdaı jasalǵan. Qosymsha aǵylshyn, til damytý, saýat ashý sekildi pánder oqytylady. Án-kúı, dene tárbıesimen aınalysatyn arnaıy zaldar jumys istep tur. Qazirgi ýaqytta munda árqaısysynda 25 baladan qazaq jáne orys tilderinde tárbıeleıtin eki top jumys isteıdi. Olardyń arasynda ártúrli etnos ókilderiniń balalary bar»,- deıdi Ásel Manabaeva.
Aýdandyq bilim berý bólimi tárbıe jáne oqytý bóliminiń ádiskeri Saltanat Orazalınovanyń aıtýynsha, aýdandaǵy alty balabaqshadaǵy 1-6 jas aralyǵyndaǵy balǵyndardyń sany - 370. Sondaı-aq, 18 shaǵyn ortalyq bar. Mektepke deıingi mekemelerde bilim berý júıesinde 95 pedagog-tárbıeshi eńbek etýde.
«2018 jyldyń qyrkúıek aıynan bastap toptarda pılottyq rejimde engizildi. Ata-analarmen jınalys ótkizildi. Qazirgi tańda osy aralas balabaqshadaǵy ózge ult ókilderi balalarynyń arasynda jaqsy nátıje baıqalyp keledi», - deıdi Saltanat Orazalınova.
Oblystyq bilim berý basqarmasynyń málimetine súıensek, mektepke deıingi bilim berý júıesinde 422 mektepke deıingi uıymnyń 175-sy - balabaqsha, 247-sy - shaǵyn ortalyq. Qazaq tilinde oqytatyn mektepke deıingi uıymdar sany ótken jylmen salystyrǵanda 24 birlikke artyp, bıylǵy jyly 257-ge jetken. Onyń ishinde shaǵyn ortalyqtar - 189, balabaqshalar - 68. 2017 jylmen salystyrǵanda qazaq tilinde tárbıeleıtin jáne oqytatyn toptardyń sany 102-ge kóbeıgen. Oblys boıynsha Baıanaýyl jáne Maı aýdandarynda balabaqshalar 100 paıyz memlekettik tilde bilim berýge kóshken.
Eske sala keteıik, Pavlodar oblysynyń ákimi Bolat Baqaýov osydan eki jyl buryn óńirdegi barlyq balabaqshalarǵa memlekettik tildegi tárbıeni engizýdi usynǵan bolatyn.
