Pavlodar oblysynda Reseıden kelgender úshin jedel jeli iske qosylady

PAVLODAR. QazAqparat - Pavlodar oblysynyń ákimi kóshi-qon máseleleri boıynsha óńirlik jedel shtabtyń otyrysyn ótkizdi, dep habarlaıdy QazAqparat.

Reseı Federatsııasynan kelýshiler sanynyń artýy óńirlik jedel shtabynyń otyrysy barysynda qarastyryldy.

Ábilqaıyr Sqaqov mıgratsııalyq protsessterdi baqylaýdy kúsheıtýdi tapsyrdy.

QR UQK shekara qyzmeti departamentiniń bastyǵy Ǵanı Bekmyrzaevtyń aqparatyna qaraǵanda, 21-26 qyrkúıek aralyǵynda Pavlodar oblysy shekara beketterinen 35 myń adam ótken.

Onyń ishinde 13 myń adam - Reseı Federatsııasynyń azamattary, 5 myńy Qazaqstan aýmaǵynan ketti.

Polıtsııa departamentiniń bastyǵy Vasılıı Sklıardiń sózine qaraǵanda, sońǵy bes kún ishinde HQO jáne kóshi-qon qyzmeti bólimshelerine kelýi týraly eskertý boıynsha 388 reseılik azamat ótinish bergen, ýaqytsha turýǵa 154 adam kómekke júgingen.

Oblystaǵy krımınogendik jaǵdaı turaqty.

Oblys ortalyǵynda úsh halyqqa qyzmet kórsetý ortalyǵy úzdiksiz jumys istep tur. Pavlov, 48 mekenjaıy boıynsha kúsheıtilgen HQO ashyldy.

Adamdardyń shamadan tys kóp shoǵyrlanbas úshin shetelden kelýshiler úshin arnaıy kezek pen bes qosymsha tereze uıymdastyrylǵan.

Ábilqaıyr Sqaqov jaǵdaıdy monıtorıng júrgizý men túsindirý jumystaryn turaqty túrde ótkizip, barlyq memlekettik organdardyń birlesken is-qımylyn kúsheıtýdi tapsyrdy.

«Jyljymaıtyn múlik naryǵyndaǵy jaǵdaıdy turaqtandyrý boıynsha is-shara qoldaný mańyzdy. Polıtsııa departamenti men Pavlodar oblysy boıynsha memlekettik kiris departamentine óńirdegi zańdylyq pen qaýipsizdikti qamtamasyz etip, kelgen reseılikterdi ýaqtyly tirkeý boıynsha algorıtm ázirleý qajet, - dedi óńir basshysy. - Qalalar men aýdandar ákimderi mıgranttar legin retteýge arnalǵan shtabtar qurý kerek».

Oblys ákimi shetelden kelgenderge QR Zańǵa sáıkes kómek kórsetiletinin atap ótti.

Quzyretti organdarǵa qonaq úı ıeleri jáne mıgranttarmen jaýapkershilik jaıynda túsindirý jumysyn júrgizý tapsyryldy.

Oblysta jedel jeli iske qosylady.