Pavlodar oblysynda ózge ult ókili qazaq tilin qalaı meńgergenin aıtty
Pavlodar oblystyq tilderdi damytý, mádenıet jáne arhıv isi basqarmasynyń málimetinshe, sharanyń maqsaty – memlekettik tildiń qoldaný aıasyn keńeıtý, memlekettik tildiń mártebesi men mańyzyn keńinen nasıhattaý, qazaq tiliniń etnosaralyq qarym-qatynas tili retindegi qyzmetin nyǵaıtý, memlekettik tildi meńgergen, qoǵamdyq belsendi ózge ult jastaryn yntalandyrý.
Atalǵan sharaǵa ózge ult jastary qatysyp, óz ana-tili mártebesi jaıly, sonymen qatar, memlekettik tildi meńgerýdiń artyqshylyǵy týraly pikirlerin bildirdi.
Qalqaman aýylynyń turǵyny ulty basqa bolǵanymen ana tilimen qatar qazaq tilinde uly Abaıdyń, Ybyraı Altynsarın, Sultanmahmut Toraıǵyrov jáne basqa da aqyndardyń óleń shýmaqtaryn oqıtynyn aıtady.
- Meniń ultym orys. Osy aýylda 30 jyldan astam turamyn. Barshańyzdy Qazaqstan Respýblıkasy halqynyń Tilderi kúnimen shyn júrekten quttyqtaımyn. Qazaqsha ánder tyńdaımyn. Mádenıet úıindegi qyzmetkerlerge jáne dostaryma alǵysymdy bildiremin. Sol adamdardyń arqasynda qazaq tilinde án aıtýdy úırenip, qazaq halqynyń salt-dástúrimen tanystym. Merekelerde sahnada memlekettik tilde qoıylymdarǵa qatysyp, án aıtamyn. Qazaq tili óte baı til ekenine kózim jetti, - deıdi Petkeevıch Tatıana.
Dóńgelek ústel barlyq sanıtarlyq normalardy saqtaı otyra ótkizildi.
