Pavlodar oblysynda masany ushaqpen ýlaý jumystary bastaldy
Mamandardyń málimdeýinshe, bir ushaqqa 1200 lıtr eritindi sııady. Bir gektarǵa 10 lıtr eritindi jumsalady. 45-50 mınýt ishinde 120 gektarǵa deıingi aýmaq óńdeledi. Jospar boıynsha bir kún ishinde 5 myń gektarǵa deıingi alqap óńdelmek. - Jalpy óńdeý aýmaǵy jeti myń gektardy quraıdy, - deıdi «Euro EkoProm» JShS dırektory Baýyrjan Janaqov. – Oǵan barlyq jaǵalaýdaǵy aýdandar men Pavlodar mańyndaǵy aýyldar kiredi. Bul alańǵa úsh kún boıy dezınsektsııa júrgizý josparlanǵan. Ushý tehnıkasynyń izimen qansorǵyshtarmen kúreske rantstyq búrikkishteri bar jumysshylar shyǵady. Dernásilderdi sapaly joıý úshin, qoljetimdiligi qıyn jerler qolmen óńdeledi. Bul – ushaqtar óte almaıtyn butalar men aǵashtardyń ósindileri.
Mamandardyń aıtýynsha, tańerteń jeldiń lebi báseń. Sol sebepti dezınsektsııaǵa tańǵy tórtten bastap daıyndalady. - Bıylǵy jyly «Baktıtsıdti» sýspenzııa túrinde emes, untaq túrinde satyp aldyq, - deıdi Baýyrjan Janaqov. – Ony óńdeý aldynda óndirýshi zaýyttyń nusqaýymen jáne ǵylymı keńestiń basshylyǵymen preparatty ózimiz eritemiz. Ózimiz eritken preparatty qoldaný dezınsektsııanyń tıimdiligin arttyrady dep oılaımyn. Oǵan qosa ushaqtardan basqa dezınsektsııaǵa barjalar qosylady. Sýdaǵy qorǵanys tosqaýylyn tórt kemede qamtamasyz etetin bolady. Osy jyly merdiger kompanııa men bıologtar aımaqta masalar men múk popýlıatsııasyn 80 paıyzǵa azaıtýdy josparlaýda.
Esterińizge sala keteıik, oblystyq energetıka jáne turǵyn úı-kommýnaldyq sharýashylyq basqarmasy «Euro EkoProm» JShS-men dernásildermen kúres jóninde shart jasasqan bolatyn. Orkin kompanııasymen tehnıkalyq jáne «Flagman-PV» JShS-men dezınsektsııany ǵylymı súıemeldeý boıynsha konsortsıýmda jumys isteıdi.
Mamandardyń aıtýynsha, masa men shybyn-shirkeıdiń dernásilderine qarsy Bacillus stringetis bakterııasy óte tıimdi. Ol basqalarǵa zııan keltirmeı, dernásilderdiń asqazan-ishek jolyna túsip, ýlaıdy. - Ertiste sýdyń temperatýrasy sý kóleminiń kóp bolýyna baılanysty kúrt ózgerýi múmkin emes, - deıdi Orkin kompanııasynyń tehnıkalyq súıemeldeý jónindegi óńirlik dırektory Azamat Sábıtov. – Biraq ol taıaz sýlarǵa aýysqanda jáne jaıylmaǵa quıylǵanda jumyrtqanyń, dernásilderdiń, qýyrshaqtyń jáne jynystyq jetilgen daraqtardyń kelesi satylarynyń damýy úshin temperatýra neǵurlym qolaıly bolady. Osy 3 táýlik ishinde biz avıatsııamen qajetti óńdeýdiń barlyq kólemin jabýdy josparladyq.
Áńgime ǵylymı súıemeldeý toby usynǵan óńdeý úshin 9 áýe alańy týraly bolyp otyr. Ǵylymı súıemeldeý toby dernásilderge qarsy óńdeý úshin eń joǵary kórsetkishter bar ońtaıly oryndardy tańdaıdy.
Eń bastysy – bárin durys jáne ýaqytynda jasaý. - Biz meteostantsııalarda, meteoqyzmetterge suranys jasaımyz, jel jyldamdyǵyn anyqtaımyz, - deıdi Azamat Sábıtov. – Jel baǵyty men kúshin eskere otyryp, biz durys óńdeý jasaı alamyz. Óıtkeni tehnıka sýdyń betine shamamen 5 metr deńgeıde ushady. Budan basqa, eresek masalarǵa qarsy 5 nanometrden 20 nanometrge deıin tamshylar jasaıtyn ystyq tuman generatory qoldanylady. Ushpaly tamshylar kóleńkelik ýchaskelerge túsedi. Qaı jerde baktıtsıdpen óńdeý kerek ekenin ushqyshtar planshetterden qaraıdy. Orkin kompanııasynyń mamandary óristerdi tsıfrlady jáne ǵylymı toptyń usynystary boıynsha ushaqtar qozǵalysynyń traektorııasyn jasady. - Ushaqtyń qaıda ekenin jáne qazir qaı jerde óńdegenin qadaǵalaı alamyz, - deıdi Azamat Sábıtov. – Ushqyshqa maksımaldy áser etý úshin qaı jerde óńdeý qajet ekenin kórsete alamyz. Ertis óz arnasyna qaıtqannan keıin ózenge jatpaıtyn sý qoımalary qalady. Olarda da dernásilder damı alady. Biz ekinshi týr jasaımyz. Óristerdiń sandyq kartasy ushaqta ornatylǵan qurylǵyda beınelenedi.
Aıta keteıik, mamandardyń boljaýynsha, shirkeılerdi ýlaý jumystary 10-12 mamyr aralyǵynda bastalady.