Pavlodar oblysynda «Qazaq tili QR-kod» jobasy iske qosyldy
Pavlodarda qala turǵyndaryna qyzmet kórsetetin mekemelerde arnaıy kodtary bar plakattar ornalastyryldy, sol arqyly oqý materıaldary bar saıtqa kirýge bolady.
«Ana tili» ortalyǵynda pavlodarlyqtar ózderiniń qazaq tilin meńgerý deńgeıin jaqsarta alatyn ádisteme ázirlegen. Ortalyq dırektory jáne oqýlyq avtory Sholpan Kınjıkovanyń aıtýynsha, jobany qurastyrýǵa bir jarym aı ketken.
- Meniń oıymsha, endi qazaq tilin úırený ońaı ári qoljetimdi bolady: adam aqparatty kez kelgen jerden júkteı alady, qazaq tiliniń qarqyndy kýrsyna arnalǵan oqýlyqtar, oǵan qosa ınteraktıvti tapsyrmalar beriledi, - dedi Sholpan Kınjıkova. - Tapsyrmalardy oryndaý kezinde qateler bolsa, upaılar men naqtylaýdy kóredi. Sonymen qatar ártúrli salalarda – medıtsınada, saýdada qoldanylatyn sóıleý modelderin meńgere alady.
Memlekettik tildi úırenýdi bastaý úshin pavlodarlyqtarǵa uıaly telefon kamerasymen plakattaǵy QR-kodty skanerleý qajet, gadjet oqý materıaldary ornalastyrylǵan «Ana tili» ortalyǵynyń saıtyna ótý usynylady. Paıdalanýshylarǵa tirkelýdiń qajeti joq. Sondaı-aq pavlodarlyqtar mobıldi qosymshany da júkteı alady.
Sholpan Kınjıkovanyń aıtýynsha, materıal jańadan bastaýshylar men qazaq tilin úırenip júrgenderge beıimdelgen. - Pavlodarda QR-kody bar plakattar saýda úılerinde, qonaq úılerde, vokzaldarda, iri mekemelerde ornalastyryldy. Mobıldi qosymshada jáne kodty qaıta baǵyttaıtyn saıtta birneshe baǵyt bar: aýdarma, oqytý kýrstary, trenıngter jáne semınarlar. Adamdar kabınetterde otyrmaı-aq jańa formatta tildi úırený úshin osyndaı joba iske qosyldy, - dedi mádenıet, tilderdi damytý jáne arhıv isi basqarmasy basshysynyń orynbasary Sáýle Osmanova.
Alǵashqy plakattar pavlodarlyq «Jańa MBO» saýda úıine ornalastyryldy.
- Qazir barlyǵy gadjetterdi paıdalanady, bul joba adamǵa qandaı da bir kýrstarǵa jazylmaı-aq QR-kodty skanerleýge, qosymshany júkteýge jáne bos ýaqytynda til úırenýge múmkindik beredi, - dep esepteıdi TD dırektory Svetlana Karpova. - Satýshylar da satyp alýshylarǵa osy qosymshany paıdalana otyryp, qazaq tilinde qyzmet kórsetedi.
Oblys ortalyǵynda QR-kody bar plakattar 30 mekemege ornalastyrylady. Sondaı-aq mundaı taqtaıshalar Aqsý men aýdandarda da paıda bolady.
