Pavlodar oblysynda eki bala sýǵa ketti

PAVLODAR. QazAqparat - Qaıǵyly oqıǵa Ekibastuz qalasyna qarasty Báıet aýylynda boldy, dep habarlaıdy Pavlodarnews.kz saıtyna silteme jasap.

Oblystyq Tótenshe jaǵdaılar departamenti baspasóz qyzmetiniń málimetinshe, 5 shildede Báıet aýylynda 6 jáne 7-synyptyń eki oqýshysy saǵat 18.00-de úıden kanalǵa qaraı shyǵyp, joǵalyp ketken.

– Jaqyn jerde ata-analary men basqa eresekter bolmaǵan. Balalardyń zattary jaǵadan tabyldy. Qutqarýshylardyń kúshimen deneleri tabylyp, sýdan shyǵaryldy, – dedi departament ókilderi.

Shomylý maýsymy bastalǵannan beri úsh adam sýda batyp ketti.

Tótenshe jaǵdaılar departamentiniń qyzmetkerleri sýdaǵy qaýipsizdik erejelerin saqtaýdyń mańyzdyǵy týraly eske salady.