Pavlodar oblysynda 35410 adam qazaqsha úırendi

PAVLODAR. QazAqparat - Oblystyq mádenıet, tilderdi damytý jáne arhıv isi basqarmasynyń basshysy Ernur Dáýenov tilderdi damytý men qoldanýdyń 2011-2019 jyldarǵa arnalǵan memlekettik baǵdarlamasynyń oryndalýy týraly málim etti, dep habarlaıdy pavlodarnews.kz.

Ernur Dáýenovtyń aıtýynsha, jyl saıyn maqsatty bólingen qarajat esebinen qazaq jáne aǵylshyn tilderine tegin oqytý kýrstary uıymdastyrylǵan. Pavlodar oblysynyń qazaq tilin úırengisi keletin árbir turǵyny tegin kýrstarǵa jazyla alady. «Jalpy sońǵy 3 jylda oblys boıynsha 35410 adam qazaq tiline, 36727 adam aǵylshyn tiline oqytyldy. Jyl saıyn oblys turǵyndary memlekettik tildi meńgerý deńgeıin baǵalaý «Qaztest» júıesi arqyly testileýden ótedi», -deıdi ol.

Aıta ketken jón, oblys ákimi Ábilqaıyr Sqaqovtyń tóraǵalyǵymen ótken óńir ákimdiginiń keńeıtilgen májilisinde sóılegen mádenıet, tilderdi damytý jáne arhıv isi basqarmasynyń basshysy dúkenniń satýshysynan bastap, jumystaǵy áriptestermen qazaqsha sóılesý qajettiligi týraly pikir aıtqan bolatyn.