Pavlodar oblysynan Senat depýtattyǵyna kandıdat usynyldy
Oblystyq máslıhattyń hatshysy Baqyt Bekseıitova QR saılaý týraly konstıtýtsııalyq zańǵa sáıkes máslıhat sessııasynda QR Parlamenti Senatynyń depýtattyǵyna Altynbek Nuhulynyń kandıdatýrasy boıynsha usynys engizdi.
«Altynbek Nuhulynyń kandıdatýrasy ózin-ózi usyný jolymen usynylyp otyr», - dedi Baqyt Bekseıitova.
Máslıhat depýtaty Serim Syzdyqov Altynbek Nuhuly ǵalym retinde halyq arasynda qoǵamdyq aǵartý jumystarymen tanymal ekenin aıtty.
«Ol oblystyq úsh ýnıversıtettiń rektory boldy. Ózi basqaryp otyrǵan ýnıversıtetti iri mádenı jandaný ortalyǵyna aınaldyrdy. Ýnıversıtetti halyqtyń rýhanı murasyn saqtaýǵa arnalǵan «Rýhanı jańǵyrý» baǵdarlamasyn júzege asyrý ortalyǵyna aınaldyrdy. Sońǵy jyldary oblystyń tarıhı-mádenı murasyn saqtaýǵa zor úles qosyp keledi. Aldaǵy Senat saılaýy elimizdiń áleýmettik salasyn negizge alatyn tusta ótpek. Sondyqtan óńirimizdiń áleýmettik salasyna eńbek sińirgen azamattyń kandıdatýrasyn qoldaýdy suraımyn», - dedi Serim Syzdyqov.
Máslıhat depýtattary Altynbek Nuhulynyń kandıdatýrasyn usynýǵa biraýyzdan daýys berdi.
Altynbek Nuhuly 1962 jyly 10 maýsymda Baıanaýyl aýdany Sátbaev aýylynda dúnıege kelgen.
Aıta keteıik, Memleket basshysy Qasym-Jomart Toqaevtyń qaýlysymen Parlament Senaty depýtattarynyń saılaýyn ótkizý 2020 jylǵy 12 tamyzǵa belgilendi.
Osyǵan oraı QR Ortalyq saılaý komıssııasynyń onlaın rejımde otyrysy ótip, onda saılaýǵa qatysty kúntizbelik is-sharlar jospary bekitildi.
13 maýsym kúni Senat depýtattyǵyna kandıdattardy usyný bastaldy.
QR OSK saılaýdy ótkizýge 254,5 mln teńge jumsalatynyn málim etti. Sondaı-aq ár óńirden 17 depýtat saılanatynyn, úmitkerlerge qoıylatyn talaptardy jarııa etti.
Budan bólek, bıyl ókilettik merzimi aıaqtalatyn 17 senatordyń aty-jóni aıtyldy.