Pavlodar oblysy QHR-men yntymaqtastyqty damytýǵa daıyn
«Biz qytaı tutynýshylary tarypanan bizdegi ekologııalyq taza tamaq ónimderine degen qyzyǵýshylyqtyń joǵary ekenin baıqaımyz, - dedi Bolat Baqaýov. - Biz barlyq salalarda, ásirese et jáne kókónis ónimderin jetkizý boıynsha, sondaı-aq azyq óndirý úshin shıkizatty damytý boıynsha ózara yntymaqtastyqty damytýǵa daıynbyz».
Aımaq basshysy qytaılyq ınvestorlardy Pavlodar oblysyndaǵy alıýmınıı klasterin, metallýrgııany, hımııa ónerkásibin jáne aýyl sharýashylyǵyn damytý týraly birneshe jobany iske asyrýǵa shaqyrdy.
«Pavlodar oblysy men QHR arasyndaǵy yntymaqtastyqtyń aıqyn mysaldarynyń biri - NFC kompanııasynyń merdigeri retinde tehnologııalardy paıdalana otyryp, munaı koksterin óndirýmen aınalysatyn «Pavlodar» AEA-nyń júzege asyrylýy, - dedi Pavlodar oblysynyń ákimi Bolat Baqaýov halyqaralyq «San Bao» kompanııasynyń dırektory Kan Hepınmen Nur-Sultandaǵy resmı kezdesýi barysynda. - 2018 jyldyń sońynda Qytaıǵa koks eksporty 40 mıllıon AQSh dollaryn qurady. Osy kompanııanyń qatysýymen Pavlodar munaı-hımııa zaýytynyń aýqymdy jóndeý jumystary aıaqtaldy. Ol óz kezeginde kásiporynnyń Eýro-5-tiń analogy sanalatyn K-5 klasty ekologııalyq taza janarmaıyn alýǵa septigin tıgizdi».
«Qytaı Azııa elderi boıynsha Pavlodar oblysynyń negizgi saýda seriktesteriniń biri bolyp qala beredi. Aımaqtan QHR-ǵa shyǵarylatyn jalpy saýda kólemi 20 paıyzdan asady nemese 846 mıllıon AQSh dollarynan joǵary», - dedi oblys ákimi.
2017 jylmen salystyrǵanda ózara saýda kórsetkishi negizinen ferrohrom eksportynyń kólemi 1,2 ese artty.
Onyń ústine Pavlodar aımaqtyń negizgi jolynda ornalasqan: Ońtústik-Sibir jáne Ortasibir temirjol magıstrali, respýblıkalyq mańyzy bar avtomobıl joldary, munda áýe qatynasy men ózen kólikteriniń túrleri, sondaı-aq qubyrlar men talshyqty-optıkalyq jelileri bar.
«Pavlodar oblysynyń, tutas Qazaqstannyń bulaı ornalasýy Qytaıdan Eýropaǵa jáne keri qaraı júkterdi tasymaldaý úshin zor múmkindikter ashady», - dedi oblys basshysy Bolat Baqaýov.
Avtor: Anton Gagarın
