Pavlodar oblysy ákiminiń bir orynbasary qysqaryp ketti

PAVLODAR. QazAqparat - Memleket basshysynyń tapsyrmasyn oryndaý sheńberinde Pavlodar oblysy ákimi orynbasarlarynyń sany azaıdy, dep habarlaıdy QazAqparat ákimdiktiń baspasóz qyzmetine silteme jasap.

1 tamyzdan bastap Pavlodar oblysy ákiminiń ekonomıka jáne qarjy máseleleri jónindegi orynbasary Dınara Shaımuratova 2021 jyly sáýir aıynda taǵaıyndalǵan laýazymynan bosatyldy.

Osylaısha Pavlodar oblysy ákiminiń úsh orynbasary - O.Krýk, A.Qurmanova jáne M.Óteshov qaldy.

Buǵan deıin 2022 jyldyń naýryz aıynda aımaq basshysy orynbasarlarynyń sany beseýden tórtke deıin qysqarǵan edi.

Sonymen birge, ótken jyly shtat sany lımıtin qysqartý barysynda 10 aýdannyń ákim orynbasarlary men 15 oblystyq basqarma basshysynyń bir orynbasary laýazymy alynyp tastalǵan edi.

2021 jyly Pavlodar oblysynda memlekettik qyzmetshilerdiń shtaty 15% qysqardy.