Pavlodar oblysy ákimdiginde basqarma basshysy aýysty

PAVLODAR. QazAqparat - Pavlodar oblysynyń jer qoınaýyn paıdalaný, qorshaǵan orta jáne sý resýrstary basqarmasyn Áıgerim Qabyltaeva basqaratyn boldy. Jańa basshyny apparattyq jıynda oblys ákimi Ábilqaıyr Sqaqov tanystyrdy, dep habarlaıdy QazAqparat Pavlodarnews.kz-ke silteme jasap.

Áıgerim Qabyltaeva 1984 jyly Ekibastuz qalasynda dúnıege kelgen. 2005 jyly S.Toraıǵyrov atyndaǵy Pavlodar memlekettik ýnıversıtetin «Hımııa» mamandyǵy boıynsha támamdap, 2010 jyly osy joǵary oqý ornynda «Ekologııa» mamandyǵy boıynsha magıstr dárejesine ıe boldy.
Áıgerim Jańbyrtaıqyzy 2007 jyldan bastap memlekettik qyzmette isteıdi. Pavlodar oblystyq aýmaqtyq qorshaǵan ortany qorǵaý basqarmasynda, Ertis ekologııa departamentinde jetekshi maman bolǵan.
Pavlodar oblysynyń jer qoınaýyn paıdalaný, qorshaǵan orta jáne sý resýrstary basqarmasynda bólim basshysy bolyp jumys jasady.
2016 jyldan bastap osy basqarmada basshy orynbasary laýazymynda qyzmet atqardy.