Pavlodar oblysyndaǵy túlekterdiń 84,3 paıyzy UBT-ǵa qatysady

PAVLODAR. KAZINFORM - Bıyl orta mektepterdi - 4322, negizgi mektepterdi 10 778 bala támamdaıdy. Orta bilim berý uıymdaryndaǵy, onyń ishinde jekemenshik mektepterdegi oqý protsesi 25 mamyrda aıaqtalady.

Ertis-Baıan óńirinde 360 mektep bar, olarda jalpy sany 116,1 myń oqýshy bilim alyp jatyr. 9 jáne 11-synyp túlekterine arnalǵan qorytyndy attestattaý 28 mamyr-11 maýsym aralyǵynda ótkiziledi, dep josparlanǵan.

«Jalpy, 9-synypty barlyǵy 10 778 oqýshy bitirse, 11-synyp túlekteriniń sany - 4322 bala. 11-synyptardyń memlekettik mektep bitirý emtıhandary 28 mamyr men 11 maýsym aralyǵynda 5 pán boıynsha ótedi», dep jaýap berdi Kazinform agenttiginiń tilshisine bergen suhbatynda Pavlodar oblysy bilim berý basqarmasy mektepke deıingi jáne jalpy orta bilim berý bóliminiń basshysy Nurgúl Azanbaeva.

Negizgi ulttyq biryńǵaı testileýdi 16 mamyr men 5 shilde aralyǵynda elektrondy formatta USTUDY Testileý ortalyǵynyń eki pýnkt bazasynda (Pavlodar q., Astana kóshesi, 10/1; Ekibastuz q., Energetıkov kóshesi, № 54 A) ótkizý josparlanǵan.

UBT-ǵa 3 647 (84,3%) túlek qatysady.