Pavlodar oblysyndaǵy kıik sany 90 myńnan asyp ketti

PAVLODAR. KAZINFORM — Pavlodarda kıik sany bir jazda úsh ese kóbeıgen. Qazirgi ýaqytta óńirdegi aqbókenderdiń sany 90 myńnan asyp otyr.

Bul týraly oblystyq orman sharýashylyǵy jáne jaýnýarlar dúnıesi aýmaqtyq ınspektsııasynan habarlady.

— Aýmaǵymyzdaǵy kıikterdiń sany 90 myńnan asady. Kıikterdiń negizgi toptary Baıanaýyl men Maı aýdandarynyń dalalyq alqaptarynda, sondaı-aq Aqsý jáne Ekibastuz qalalarynyń ákimdikterine qarasty jerlerde shoǵyrlanǵan. Bıyl kóktemde 155 kıik atalyǵynyń óleksesi anyqtalyp, olar jergilikti atqarýshy organdar tarapynan veterınarııalyq talaptarǵa sáıkes joıyldy, - deıdi orman sharýashylyǵy jáne janýarlar dúnıesi aýmaqtyq ınspektsııasynyń bas mamany Sáýle Muhansalyqova.

Buǵan deıin qyrdaǵy keıbir shabyndyqtardy kıik japyryp ketkeni týraly jazǵanbyz.

Alaıda ınspektsııa mamandary túz janýarlarynyń aýyl sharýashylyǵy alqaptaryn taptap ketý derekteri tirkelmegenin aıtady.

Pavlodar oblysy aýmaǵyn mekendeıtin kıikter Betpaqdala popýlıatsııasyna jatatynyn aıtýymyz kerek.

Bıylǵy mamyr aıynda Pavlodar oblysynda 30 myńnan asa kıik bar ekeni týraly jazǵanbyz Buǵan qarap bir jazda kıik sany 3 ese artqanyn bile alamyz.