Pavlodar oblysynda polıtseı sýǵa batyp bara jatqan áıeldi qutqaryp qaldy

PAVLODAR. KAZINFORM – Sýǵa batqan áıeldiń mas kúıde bolǵany anyqtaldy. Oǵan jedel medıtsınalyq kómek kórsetilgen. Qazirgi ýaqytta jaǵdaıy jaqsy.

Bul týraly Pavlodar oblysy polıtsııa departamentiniń baspasóz qyzmeti habarlady.

Aqqýly aýdanynyń polıtseılerine Jambyl aýylynda bir top adamnyń ishimdik iship jatqany týraly habar kelip túsken. Aýyl turǵyny polıtsııa qyzmetkerlerin jiberýdi suraǵan. ıÝvenaldy polıtsııa tobynyń kámeletke tolmaǵandar isteri jónindegi polıtsııa aǵa ýchaskelik ınspektory Eldos Qoıken, ákimshilik praktıka ınspektory Ádil Іzbasarov jáne jergilikti polıtsııa qyzmetiniń ýchaskelik polıtsııa ınspektory Rıshat Adambaev kórsetilgen mekenjaıǵa jetip, onda kámeletke tolmaǵan eki balasy bar azamatsha turatynyn anyqtady.

«Balalar anasynyń Ertis ózenine qaraı ketkenin túsindirgen. Avtopatrýl birden ózenge bet alyp, sýǵa batyp bara jatqan áıeldi baıqaǵan. Aǵa ınspektor E.Qoıken sýǵa birden qoıyp ketip, áıeldi ajaldan arashalap qaldy. Áıeldiń mas kúıde bolǵany anyqtaldy», dep málimdedi baspasóz qyzmetinen.

Qutqarylǵan áıel adamǵa alǵashqy edıtsınalyq kómek kórsetilip, keıin dárigerlerge jiberilgen. Qazirgi ýaqytta ómirine tónip turǵan qaýip joq. Polıtseıler áıelmen áńgime júrgizip, keleside mundaı jaǵdaı barmaý kerektigin túsindirdi.