Pavlodar oblysynda 20 myńnan asa kıik bar
PAVLODAR. KAZINFORM -Jup tuıaqty janýarlar Maı jáne Baıanaýyl aýdandaryn meken etedi. Olardyń tabıǵı ortadaǵy kóbeıýi men kúıi qanaǵattanarlyq dep tanylyp otyr.
Bul týraly óńirlik orman sharýashylyǵy jáne janýarlar dúnıesi aýmaqtyq ınspektsııasynan habarlandy.
«Qazaqstan bıoalýantúrlilikti saqtaý assotsıatsııasy, Zoologııa ınstıtýty, «Ohotzooprom» óndiristik birlestigi RMQK ókilderiniń jáne Pavlodar men Qaraǵandy oblystaryndaǵy orman sharýashylyǵy jáne janýarlar dúnıesi aýmaqtyq ınspektsııasy mamandarynyń qatysýymen Pavlodar oblysyndaǵy aqbókenderdiń sanyna monıtorıng júrgizildi. Janýarlardy áýeden baqylaý arqyly Maı jáne Baıanaýyl aýdandaryn mekendeıtin jaǵdaıy zerdelendi. Jalpy oblys aýmaǵynda shamamen 20 myńnan astam kıik bar», - dep málimdedi oblystyq orman sharýashylyǵy jáne janýarlar dúnıesi aýmaqtyq ınspektsııasynan.
